Claws Hawenstein hatt gesagt by dem eyd einm ratt getan

daz sich in vergangen tagen begebn, daz er ettlich zins von

Laurentzen Werker hab wellen kouffen von ab sinem gütt zu Egringen

(2)

uff weliche gütt, hr Bernhartt Stieff die eigenschaft

gehept, und als er solich zins die diser zug koufft hett

understanden zefertigen da hett hr Bernhartt die vertigung

nit wellen lasen gan denn er sagte daz im Laurentz by zwey

pfunden ettlichs uff glauffens costens halb schuldig were

und damit sy nit in recht deshalb kemen da hett sich

hr Bernhartt erbotten so verr unnd Laurentz werker, im

von dem gelt so im diser zug geben wurd, bezalen, so wolt

er den kouff unnd vertigung gan lasen doch siner eigenschafft

unvergriffen, uff solichs hett Laurentz hrn Bernhartten

zugesagt, daz er in von dem gelt so im von

im disen zugen des kouffs halb wurd bezalen welte was er

im schudig were und hett derselb Laurentz solich züsagung nit allein

vor im sonder ouch vor einem gantzen gericht getan in der

vertigung.

(Bestätigung durch den Schaffner der Elendenherberge)