Min früntlichen gruoss..

Es ist euwer gnaden und ersam wissheitt filich wol

zuo wissen dess brieffs halb so euwer gnaden alls ein

miner oberkeit alls minem houpttman geschict hand

dar durch ich verständigett bin worden wie das

ir min g heren ein missfalen ab mir haben das

ich ien zittlan von heimen sy gesyn und aber in

semlicher zitt minem wyb und kinden nydtt

mögen enthalten, uffen solliche wil ich üch min

e gnaden und ersam wissheitt sole und mege verstan

dass es mir bissher nichtt wol meglich ist gesin

ettwas heim zuo schicken, dann ich bin in mins heren

dienst geschossen worden von dem find welchess mir

noch zuo zitten zuo schaffen gitt dass ich mitt docteren

und andern so vül uss genss hab und ouch der näben

zimlich tür ist das ich so fil mitt mir selbs zuo

schaffen han gehan das ich nütdtt han kennen heim

schicken dass mir bisshieher ein gross liden ist

gesin alls mir niemans glauben mag ouch hand

wir nichtt gewist es mir ein eigentlichen heren hand

biss ietz das mir unser heren nun altag wartten

und gewissen dienst hand. Darum bidt

ich, euwer g und ersam wisheitt wellen

dass best thuon bis her al for falenden sachen

das ich mich in zurtger (?) zit stellen wil das

ir mir heren und vätter ein weolgevallen dorab

haben werden.

(2)

Auch min wüb und kind an ortt und end

ferschaffen und nitt mir in Ferären füeren

domitt sy euch min g heren und frumen

erben lütten nidtt iber lägen sygen

bitt üch hie midtt wellen ein kleine zitt

ein midttliden mitt mir han will mich

in ziertzer (?) zitt gegen euwer g erzeigen.

Sunst neuwer zittung halb kan ich üch

nüdtt schriben weder dass der brintz uff aller

helgen tag sol zuo herzüg gemacht werden

und wirdtt haltten 2 gwarden zwenzig und

fünff eidgnossen und so fül lantzknächtt

die kliett man ietz al in samett damitt

gott und siner lieben muotter bevolen.

Anderess Munch e guttwiliger

diener in Ferären