Item als da Her Heinrich Riche von Richenstein Ritter offnete ingerichte

nachdem im uff vormols ouch hutt erkennt wer worden

uff alles meister Claus Smidlins seligen und siner efrowen güt ze faren

das er ouch zü gütem getän und aber vernomen dz desselben

Claus Smidlins seligen frowe nuwlich gemant hette, Soppensee

von Segkingen umb sechs gulden geltz so sy meinte er ir ierlichs

pflichtig wer, darumb sinem rechten nachzekomen wölte er dem

erbern Heinrich Zschoppen von Segkingen der ingericht ze gegen was

sinen vollen gwalt geben soliche zinse und houptgüt dobey ze

verbieten und in sinem namen ze vertriben nach siner houptbriefen

übertragsbriefen und urteilen innhalt, darzü im Hanns Glaser

der amptman offenlich ingericht redte, mir und dem gerichte

wer wol ze wissen, dz die Smidline ouch die iunng Grieben uff ein

und Ottman Zwick von Sant Gallen von wegen der geselschafft anderteils dess

und andern sachen halb miteinander hie einen gerichts gang gehept

und noch hettent als derselb Ottman Zwick fürgibt dz die selben

vi gulden geltz der geselschafft zu gehörende und von Smidlin seligen

ingericht gezogen sient darumb so solte man lügen wie man

dar inn gefüre dz niemand dar inn verkürtzt würde uff solichs

nü der egen her Heinrich Riche antwtete er getruwte wol dz er

solichen gewalt geben und da durch die egemeldten vi gulden geltz und

dz houptgüt verhefften und angriffen, horten den die geselschafft oder

iemand ander [Rand: me daran und besser recht da] zü den Smidlinen wer wol versehenlich der werde

in darumb anlangen dem könnde er ouch sins rechten nit

(2)

vorsin also nach des benan her Heinrich Richen begerung wart

nach einer frage erkennt dz er solichen gewalt wol geben und man

daby melden die wort so Glaser darzu geredt, er ouch daruff

genatwurtet hette, und solichs ouch in des gerichtsbüch schriben

solte. Uff solichs so gab der egenan her Heinrich Riche von

Richenstein Ritter in diser sache offenlich vor

mir ingericht sinen gantzen vollen gewalt, dem vorgen Heinrich

Zschopen also dz er in sinem namen soliche obgemeldten vi gl geltz

darumb den die Smidline gemant, und alle die ansprach und

recht so sy an zins und houptgüt der gulte halb uff Soppensee ge-

hept oder noch ette, verhefften verbieten vertriben und ver-

kouffen und alles das da mit fürnemen, tün und lassen solle und möge mit

recht oder sust zü gewin und ver-

luste, dz in dem harinn bedunckt notturfft sin, und glopte

ouch der benan her Heinrich Riche by siner truwe in min

des obgen richters hand für sich und alle sin erben alles das so

der selb Heinrich Zschopp damit handelt tuot oder lasset veste und

stete ze halten, und dawider niemer ze reden noch ze tünde in

dhein wise doch alle geverde harinn vermitten zü urk. datum

v^a post Johis bap^te anno lv^o