Item do hand versprochen Jungher Hanns Stuss und Claus von

Burgen von Zürich nachdem mit willen und gunst

der bürgen von Basel, so für Rücker Richinger sicher worden

sind nach innhalt einer urteil zwuschent Rosenkrantz und

im vormals gangen, als vorgemeldet stät, ein ufslag an [Fristverlängerung, Aufschub, DRW] der

sache offenlich vor gericht zü Basel gemacht ist worden

iedermans rechten unschädlich bitz zem nehsten gerichtz tage

nach sant laurentzien tag nehst kunftig, und aber ettliche

von Zürich, die so die burgen von Basel der sachen halb versprochen

hand gentzlich vor allem schaden ze entheben, nüzemol nit

hie vorgericht werent, das sy so bede für die selben von

Zurich diser sachenhalb verbunden und hafft sin wellent

in aller der mosse als sy hafft werent, so lange bitz das

sy einer versigelten breiff von dem rate [Rand: oder under des burger

meisters sigel von Zürich] von Zürich herabe

schickent dar inn die vorgenan burgen von Zürich, harzü

iren gunst und willen geben und versprechen sollen, alles das

ze halten und ze vorziehen, dz sy eemols von diser sache wegen

versprochen und glopt habent, und ob sich

der egen Rücker, oder sin bürgen von Zürich nit uff den

nehsten gerichts tag nach Laurencii für gericht ze Basel antworten

oder solich geschrifft als obstät herabe schickten damit die burgen von

Basel ein benugen hetten so wellent sy wellent doch sy zwene sich

in aller mosse harinn halten und alles dz volziehen des denn

dieselben burgen von Zürich verbunden hatten diser sachhalb ze volfüren

promittent de rato inmanum advocati.