Alls dan Simon Marmot in myner g h

fenkung komen hat er verichen, uff frytag

nach leodegari eipi (?) anno 1559

Syn bruoder hab sich disser sach angnomen

[Randnotiz: von wegen dz sy eins erbfals in angsttal durch

etlich edlen beraubt er hab syne kind kum zu erneren]

alls er fech zuo Muri geartznet, sich vernomen

lassen, so er knecht ins angstal bringen möchte

wurden sy guotte bsoldung han, alls nun die

buren dess inne worden habents eins dar nachin

ghan und sygent im nach jagen bis har,

und zuo im Simon Marmot ouch kon, er hab

der sach sich nüt beladen wellen, doch hab syn

bruoder in erbetten das er im den harnist über den brunig

gfürtt der habe im ein kronen an zerung gen,

hab er doran gfellt bitte er umb gnad er hab

niemant angnon, und alls man im den bstellbrieff

vorgläsen spricht er wyss nüt darvon, sy habent

mogen schryben was sy gwellen, er welle druff

sterben dz er sich diser zytt diser handlung gar

nüt beladen wellen, er hab sin bruoder umb kein

gellt ghulffen, es sygen etlich buren in angstal

die mit 24 edlen so der herzog widerbillichs

ins landt gsten (?), beschwärt, die wellens gern

vertriben, by ir harbracht fryheyt zuo blyben

im hab niemant kein gellt gen, wüsse gar

umb dise handlung nütt, lyb und guott syge

in gwallt miner herren mogent irs gfallens

mit im handlen, bittet umb gnad,

bittet min g h sy ellent syne 4 sün be-

vogten und syn guott sy nit umb ds in komen

er syge ein sinloster man zu zyten möchte etwan

in urtrüen all syn guott vermechten und dermit

umb dessen ban, bittet er und syne kind unnd

sin guott bevogtet werde er nit umb dessen komen,

alls die 2 hauptlüt von Muri by im und sin bruoder im keller gsyn und gfliss-

ner syge dz sy in grim in dsach ghan, hab ers abgeschlagen, spricht er habe gfellt in

dem dz ers minen heren nit anzeigt, so hab im nit zimpt syn bruoder anzugen