Item zwuschent Arbgast dem Birsmeister uff ein und iungher

Hanns von Löwenberg von wegen Hanns Furer von Muttenz

sins armen knehtz zem andern teilen als von der vi gl geltz wegen

ist bekennt worden wie es vormols bekennt sie worden nach

innhat des urteils briefs vor gericht gelesen daby loss sy es bliben

denn so vil. Nachdem sich der Birsmeister begeben hette were

das im die versessen zinse mit dem costen daruff gangen bezalt

und er anders versichert und ersetzt werde, so wölte

er die frönung vallen lassen, das do der benan Hanns Furer

den vorgen Birsmeister hiezwuschent und sant Iergen tag

nehst kunftig versichern und ersetzen und im umb die ver

sessen zinse mit dem costen daruf gangen gedencken solle be

nügig ze machen, beschicht das wol und güt, ist des nit

so sollent sy wider har für gericht komen das den fürer

recht sie dz geschehe.