Item da clagt Frowenberg der slosser, zu Struben sinem stieffsuon wie ds er dem egen sinem stieffsun

ettwas gutz zekouffen geben hab, daran ettlich zil der bezalung gesetzt sien, hett im also zu ettlich

vergangen zilen bezahlung getan, nu wer aber ein zil verschinen, desshalb im etlich gelt von im

unbezalt usstünde, begert im also umb solich verlouffen zil usszerichten.

Dawider der obgenan Strube redt in neme solich sin stieffatters furnemen frombd, dan er sin

schulde wol zubezalen und dhein zil versessen hette, daz gwolt er kuntlich machen, da so

redt Frowenberg er wolt das furbringen das aber ein zil vergangen were, da so was

nach bederteil clagde und antwurt bekennt. Nach dem sy bedersit an kuntschafft ziehen

werent, daz sy dan bedsit ir kuntschafft also vorge an dem nechsten gerichtztag

nach ostern vor gericht haben solte. Und beschehe dan furer das recht wer.