Item zwuschent her Wunewald Heidelberk ex une und

meister Seitenmacher portibus (?) ex a[li]a nach ver-

hörung der büchern der briefen ouch der kuntsch und bederteilen

clage und antwürte sytdenmole meister Seitenmacher gemeint

hat das im Claus Walch selige antheissig [entheischen = vor Gericht fordern? Idiotikon, Bd. 2, Sp. 1756] gemacht sie worden und

aber deshalb kein erkantnis noch briefe von im gehept, ouch

die kuntsch zem teil über ein ander geseit, und ein teil geseit

hend dz Claus Walch selige meister Seitenmacher umb solich schulde

nie antheissig gewesen, und zü letst do der selb Claus Walch

siech gesin und die von Kilchen für sin hus zü im komen sie

und gern mit im ein ganze rechnung getän hette, dz aber Claus Walch von siner

kranckheit wegen nit getun konnde und gebe ir dozemol

i lib d an die schulde. Ist bekennt worden dz her Wunewalts

kuntschafft die besser sie und deshalb von Seitenmacher fürer

ungesumpt [unbehelligt, Idiotikon, Bd. 7, Sp. 961] bliben solle.