Wir der Landaman und die reth zu Underwalden nit dem khern-

wald thuondt khundt und bekhennen offenlich mit disem

brieff dz uff hütt datto vor uns erschinen ist der from fürnem

wyss Melchior Lussy ritter und unser mitrath, und eroffnet,

und hat uns gschrifftlich verkhündt erzeigt wie dz ime et-

was khuntschafft und bibringens wider Jacob Riser von

Biell, durch eür fromen fürsichtigen ersamen und

wysen schulthessen und rath der statt Lutzern unser

gethrüwe lieb alt eidtgnossen, uffgelegtt und vergünst-

iget sige, und er alda uff morndrigen tag im rächtth ver-

fasset sinn muosse, mit gantz dienstlicher pitt an

uns begerende ime die erbaren Melckeren Agneren,

unseren gethrüwen mitrath, und Peter Boneren, Christen

Frometingen, unser bysässen, denen dan ires haltenden

spons etwas zewüssen rechtlicher form und kuntschaffts

wyse verhören zelassen, und ime irer sag glouplich

urkhund zegeben, und diewil cuntschafft der war-

heit um finderung der warheit nit zu versagen sunder

mit getheilt sol werden, so hand wir zu bystand rächt-

ens söllichs unseren geschwornen schriber befolchen, der

söllichs rechtlicher form und nach unsers landts buch

gethan, und also uff ansinnen herren Melchior

Lussy ritter und unsers mitraths, so hand Melcher

Agner unser mitrath, und unser bysässen Petter Boner

und Cristen Frometingen by dem eid so sy harum gethan

ein blosse warheitt zusagen, gret und bezüget. Erst-

lichen Melcher Anger rett und bezüget als er und

ander gutt gsellen zu Lutzern gsin an einem zinstag, sigen

sy am mittwuchen gan Horw uff dz hus khomen,

haben sy einen gsellen funden wie oder wer er sige innen

nit zwüssen gsin, also sig er züg und ander da z kilchen

gangen, und darnach dz morgenbrot angefangen, und der

selbig gsell mit inen, und als es in halbem mal

were ungfarlich, fyenge der gedacht gsell, an reden wo

(2)

er allenthalb um gsin und gwandlet were, und rette er were

gfangen worden, rete er fil züg wo bist gfangen gsin rete der

selb gsell vor Palian wer er gfangen wordne, rete er züg

under welichem houptman bist gsin, rette er under houpt-

man Caspar us Silenen, rette er züg wir hand ouch

ein houptman da ghan namlichen houptman Lussy

von Underwalden, bekhenst in, rete der selb gsell, ia

er ist ein schelm, do stupffte er züg ine, rett er wz ich

grett han, dz han ich grett ich weiss wol wz ich segen,

also sig er züg gangen habe söllichs Hans Mingen ouch

anzeigt, sige Hans Ming gangen uff der louben abhar und

habe zu dem gsell grett, wz hett man dir than was

meinst damit, dz du den houptman und die von Underwalden

also schiltest, do wer er nit me gichtig, und rette er hett

die wort nit gret, aber er wer under houptman von

Silenen gsin, der het im vast than wie ein schelm, und

von houptman Lussy hett er nütt grett, doch sig ime

zügen wol zewissen dz der gedacht gsell vor und

ee wie obstat, sölliche wort gret heige, er sig ein

schelm, also heig man in do gfangen enweg gfuert.

Züget Petter Boner dz ime ouch nit anders in wüssen

sige, dan wie Melcker gret, doch sovill witter habe er

grett der gsell houptman Lussy sig ein schelm und

ein bösswicht, do habe er züg Melckeren gvonckt (?),

und gret wen man ein söllichen man hette wer es

dem gantzen land ein schand, ich welte in heissen zu

recht uffenthaltten, dz gfielle Melcker ouch, also wurdt

der gsell uff recht gfangen.

Züget Cristen Frometingen von Sarna, dz er ouch der zitt

zu Horw gsin, uff dem hus, da sig einer gsin den er

nit bekhent der habe gret, als man der houptlütten

halb vor Palian anzogen, und ime Melcker Agner

gfragt die von Underwalden heige ouch ein houpt-

(3)

houptman da ghan ob wie er sich habe ghaltten, habe der

gsell gret, er ist ein schelm und er het sich ghaltten

wie ein schelm, anders heig er züg nit ghort. Sölliche

cuntschafft wie obstat sy all mit dem eidt beseit

haben. Dem allen zu meren crefften und

gloubsamen schin obgeschribner handlungen und sagen,

so haben wir disen brieff mit unsers gmeinen

landts nit dem wald hieruff gethruckten eigen

serret insigel offenlich verwart zebergeben lassen,

uff suntag vor sant ursula tag nach christi

geburt zalt fünfftzechen hundert und im sechs-

tzigisten iare.