Item zwüschent Hanns Rieher dem kremer bas ex una und Erhart

von Montfort exalia als Erhart meint im Rieher ettliche

tuch ze kouffen geben und im werschaft versprochen habe, das im

da der benan Rieher wersch tun solle. Ist bekennt worden,

dz der egen Erhart soliche tuch in einem manett gen Mulhusen

bringen, ouch Rieher dahin komen und die durch erbere lute

besehen lassen sollen die sich darumb verstanden ist den sache

das die tuch sint inmossen Rieher die inn koufft genempt hat

dz denn derselb Rieher von dem egen Erharten des koufs halb ledig

sin solle, funde es sich aber, das die tuch nit der ley werent

als sy Rieher im koufft bestymet het, dz denn Rieher dem ben

Erharten nach beredung des koufs ein gnügen tun und in

umb sinen costen und schaden ussrichten solle. Und daruff

hat auch der oben Erhart glopt in des vogts hand, den

vorgenan Rieher dis koufs halb nienan anderswa ze be-

kumbern denn die sach hie mit recht gegen im ob er in

ansprachen nit erlassen mag, usstragen lassen welle.