Alls dan Jacob Risen von Bieln in myner g h

fencken komen [oben: uff donstag nach galli

anno 1560] hatt er veriechen er hab anderst

nit gerret dan er hab under houptman Caspar

vno Silinen, gedienet und [am Rand: syg gfangen] übel gschlagen worden

und syge nit bsallt worden, er habe schier nit

bass than dan ein schelm das er in nit bsallt

habe, aber sonst niemandt zu gerett weder

der hauptlütten von Underwalden noch ander,

er syg lang uff den galern gfangen glegt

übel gschlagen worden, habe er wytter ge-

rett so sygs ime unwüssent er syge

zimlich mit wyn beladen gsyn bittet

min g h umb gnad.