Item da offnet der streng herr Bernhart Surlin Ritter

wie das er iungher Rudolff von Wessenberg

herr Hannsen Munch von Lantzkron Ritter und Hannsen

von Hirtzbach gemant het darumb so begert er

das man den wirt verhoren solt ob sy leisteten.

Also sprach der wurt es leistete niemand in

sin huss daruff beger er im ein frage zetund

ob er sinem houptbrieff nit billich nachgan mocht

da wart bekennt sitdenmal und der wurt

in des hus sy gemant weren offenlich redt das

niemand leistete das er dan sinem houptbrieff

wol nachgan mochte.