Item zwuschent Ludwig Smiden von Burgdorff ex una und Heinrich

Wyssen exalia als vormals ein urteil zwuschent inen gangen ist

dz Ludwig Smit solle antheissig machen Heinrich Wyssen aller der

schulden und anderer dingen so syt dem xlviii iore untz zem

liii ior [Rand: von desselben Heinrich

Wyss und sins brüder

Hanns seligen wegen

der gesellsch halb und

sust zu Kathelonie

gemacht sint] nach der errn urteil innhalt und ouch Ludwig daruff

zü Kathelonie gewesen und Burkh [Einschub: Fry innamen Heinrich Wyssen] auch do gesin und nü wider

her für gericht komen und ir clage und antworten verhört

(2)

[Einschub: aber von der iii^c gulden wegen do sich Ludwig bekentt hat dz er die zu sinen nütz getan habe dz

ist erkennt dz Heinrich Wyss und Ludwig mit einander [Einschub: von der iii^c gulden und sins lidlons wegen als er inen meinte

xi ior gedient haben rechnen sollen] welher den dem anndern

schutig werde dem andern geben und dz Ludwig Smit nü hinfür des eyds so er

vormals gesworen hat ledig sin solle]

darnoch für minen herren der reten und andern erben botten

von den koufluten zu einer fruntlichen rechnung gewisen

da nit betragen sunder wider für gericht komen und

aber menigerley worte in den sachen von bedenteilen für

gewent worden sind.  Ist erkennt uff den eydt von dem

merteil der urteilsprechern, das Ludwig Smitdt sweren

solle, das er oigen und zoigen welle alle die schulden

phenwert kouffmanschafft und ware auch alle briefe

rödel bücher und alles ander guot und anders, so er syt

dem xlviii ior untz in das liii ior nehst nacheinander

vergangen gemacht geschen oder gewisset hat nutzit hin

dan gesetzt [Einschub: wie das geheissen oder wo das ge

wesen sie] so den obgen heinrich und Hanns Wyssen seligen

zügehorte und das er denselben brüdern den Wyssen ge-

truwlich und erberlich bitz dar gedeint und iren nütz

gefürdert und iren schaden gewendet habe, und solle

solich oigen und zoügen tün in acht tagen den nehsten

was er aber sich nit versume könnde darzü solle er einen

monett zyl haben nach der statt Basel recht und besumte oder erinnerte

er sich oder funde er utzit nach solich monett untz bitz ostern nehst

komende das denselben Wyssen zügehort hette, das er das

ouch oigen und zoügen welle [Einschübe von oben wohl hier...] und welher teil diser

urteil briefe oder urkunde begere dz man dem die geben solle.

[a hand bede teil briefe begert]

Uff solichs als nü Ludwig Smit nach innhalt der urteil

vermeinte zu sweren und begerte im den eydt ze geben

wart aber erkennt nach dem der widerteil für minen

gnedigen herren von Basel von der urteil appelliert und

sich davon berüfft hette, und nit underengen sunder hin

weg gangen wer, das denn soliches zü Ludwigen hin

stan solte das er den eydt yetzunt tün möchte oder nit wie

es im eben wer. Uber solichs so begerte er im den eydt

ze geben den er den tün wölte als er ouch den nach der

urteil innhalt also offenlich dazümal in ger[icht] gesworen hat

testes oms pter miles Efringen edelman et Arx.