Testi producti adinstan

Jo meyer barbionsor (?)

lune post letare

Item da hatt geseyt Adelheit Breitenbachin

daz ir wol wissend sie daz die Rothbergin

mit einer dyrnen zu meister Hanns

Meyer des scherers hus komen sie und in

gesucht habe, also were diser zuge on

geverde in meister Hanns Meyers huse

und herte wol daz die Rechbergin, zu

des obgen meister Hannsen frowen sprech

daz si iren man seyte daz er der dyrnen

rot tuch wolte was dann daz kostet do fur

wolte sy im gnüg tun also ferte daz sy den

meister in einen glichen hielt doch wolte

er ze vil so wolte si im doch geben das

billich und recht were.

Item da hatt geseyt Hanns von

Louffenberg der murer knecht daz er

Item diser sage gehillet der obgen Adelheit

Hanns von Louffenberg der murer knecht

und seyt dar zu me, daz er  [Einschub: und meister Hans Meyers knecht] darnach in

(2)

der Rechbrigen huse gewesen sient da hab die

Rechbergin des selben meister Hannsen knecht

gefragt, ob er wisse wie si sin meister der

dyrnen halb halten werde, wann si habe im

versprochen von iren wegen gnüg ze tun habe

ir der selb knecht geantwurt, ein meister

der werde sy in einem glichen halten und er

neme nit me dann er verdiene.