Testes productus adinstan Heinrici

Gebel mercrurii post letare

Item do hatt geseit Claus Lypold incola basilien

daz einer genannt Hans Lutenmacher von

Waltzhüt zuo im in sin huse komen sie und ein luten

und ein futer fass bracht habe, also fragte

in diser zuge, wo er mit sollichem hubschen

kostlichen dingen harkeme, sprecht der selb

Hanns zü im er hette es uff sant Peters

berg von dem mitt dem seiltzfuss (oder Stulzfuss, siehe Idiotikon, Bd. 4, Sp. 1303) koufft,

spreche aber diser zuge und fragte in

waz er darumb geben und ob er es bezalt

hette, anwurtete der selb Hanns er solte

drye gulden da fur geben, und die ettwie im

summer anhin bezalen, sprechet aber diser

zuge es neme in fromde daz er im sollichs

one gelt geben hette redte aber der selbe Hanns

er hette im vormals zwo luten bezalt und

er wolte im daz ouch gütlich bezalen

dernach uber lang sie der yetzg Hanns aber

zu disem zugen komen und si von im

gefragt ob er die luten bezalt hette spreche er

io ich hab in usgericht er heischet mir nut

me, und er hatt einen sun der hett mir

es ze Klingnow auch gehoischen und wer er nur

nitt entrunnen ich hette im nohr (?) erstochen (?)

Diser sage gehellte dem obgen Lypolt in allen

worten Eils Lipoltin sin efrow.