[Zeugenausage für Heinrich Zschott]

Item do hat geseit meister Heinr Meygelin dz im wol in denck sie als wilent

Greden Zschotten seligen vatter und brüder zü Müspach gestorben und er

nachden ein schüler und iung wer dz er der loüffen nit gewisset noch

sich hett konnen verrichten, nachdem und er ir nehst frunde wer, dz er

nit wölte ir vogt werden, also hette sy geseit wie sy noch einen öheim

hette dusse zu Müspach und meinte den Klingeler [unleserlicher Einschub zu Klingeler] und würde ouch

darnach mit dem Klingler dussen mit recht vervogtet und underzüge

sich des erbs ye so wyt dz ire wol lxxxiii lib uss iren güttern wurden

und diser zuge werde nit me den umb ix gulden betragen wie wol im so vil

als ire worden sin solte, doch wirdem so wysse er wol dz sich der genant

Klingeler vast iuden sachen arbeitet und wenn er ye einen kouff umb

ein güt angetrüge so lieffe er harinn zu siner swester und frögte ob es

ire lieb wer und wen es ire den ye geviele, so gieng sy hinuss gen

Müspach und vertigete und gab den solichen kouff vor gericht mit

irem vogt dar, und wisse wol, dz sy über xxx molen also hinuss

gangen sie und der genan Henni Zschotte iuden sachen nie nützit

allein verkoufft noch gehandelt habe in verkouffens wise und dz

die genan Grede Zschotten under allen molen by lxxxiii lib d

ingenom und empfangen habe.