Item hat geseit Lienhart Matter von Berentzwiler wie dz er vor

dem nehst vergangen krieg von Henni im Stein koufft hette

ettlich höw und im davy schuldig blibe i lib viii ß phen

und als sy bede von kriegs wegen ein gut zyt hinn in der

statt gewesen und gehindert sie dz er in nit bezalen möchte

als im der genan Henni  darnach mit tode abgangen und

diser zuge wider hinuss komen sie, habe im der sun bald nach

dem kriege nendlich Thiebolt im Stein semlich gelt gehoischen

von sins vatters selgein wegen. Also nu by zwein iaren

nehst vergangen habe im derselb Thiebolt solch gelt aber

gehoischen und habe es im diser zug mit korn und habern

bezalt und dazumol zu im geredt Thiebolt du machest dich

hie mit zü einem erben dins vatters, hette im Thiebolt geantwurt

es irret nutzit min vatter hatte mit niemand nutzit ze

schaffen den mit Huglin Dietherich von dem bin ich och ledig worden.