Item zwüschent hr Dietherich von Sennheim an

eim und Henman Bader von Rynfelden zem andern teiln

ist bekennt worden als der schulths meint dz man im

botten solte geben phender usszetragen nach der errn urteilen

enet Rins und nehst hie gegeben darzu aber meister Henman

geredt hat dz noch ettwas strousegken phendbett (?) und anders

in der badstuben enet Rins sie das moge hr Dietherich

als sin phand nemen und im sust kein phender usstragen

sunder nach der egemeldten urteilen innhalt als ein burger

den andern iagen solle, ob er in ansprache nit erlass mochte

ist bekennt worden das her Dietherich die obgesn ding

so noch in siner badstuben sien verkouffen lassen und ob er

damit nit volles bezalt möge werden dz er den denselben

Henman Bader darumb mit recht fürnemen solle, was

denn recht sie dem mögen sy bedersite aber nachkomen.