Item zwüschent Agnes Vischering uff ein und Dietherich Kölner

dem gurtler anders teils. Ist bekennt worden als von der

xl gulden houptgutz und der zweyer gulden geltz wegen nach inn

halt einer signatur. Syddemol soliche signatur in eins wider

kouffs wise gemacht und desselben Kolners frowe die doch ouch 

an den underphenden teil hette, nit daby noch mit gewess

noch in dem confessat geschriben ouch die underphender sust

ouch swerlich beladen sie, dz die gute frowe besorge dz sy irs

geltz daruber sy vellicht gross arbeit gehept und erspart habe

nit habende noch sicher sie, das denn derselb meister

Kolner in einem monett dem nechsten gedencken solle dieselb frow

mit gewissen underphendern umb ir gelt ze ersetzen oder sust

mit ir darumb ze uberkomen inmossen dz sy ein benügen von

im habe, wo dz nit geschehe so mochte sy wider har für ger

komen und geschehe dannethin furer dz recht sie.