Ich dietherich von Sennheim schultheis ze Basel das fur mich

komen ist ingerichte der bescheiden Claus von Morsperg

der scherer burger ze Basel und hat kuntschafft gezogen an

den ersamen Zschechaburlin des rats ze Basel das im zewissen

wer von des huses und kouffes wegen wie der beslossen

worden sie, als Heinrich Frech der kremer von Heitze Toiber

des benan Clausen von Morsperg sweher dasselbe hus koufft und

wem er das gelt versprochen hette zegebende hat mich ouch

uff solichs ernstlich gebetten denselben Hans Zschegkaburlin

haruff zefragen und im siner sage ein globlich urkunde

zegeben. Also angesehen das kuntschafft der warheit nieman

zeversagen sunder mengklichem zu sinen rechten zegebende

ist, und ist ouch der obgen Hanns Zschegkaburlin offenlich

harumb ingericht gefragt der hat geseit by seinem eide sunderlich

harus geton im sie wol zewissen das in der obg[enannt] Heinrich Frech

dwile er nochdem hie sesshafft wer sie  nu ein guote zit verschinen

zu im komen sie und ine gebetten habe mit ime zegande und

koment mit einander in ein huss da fundent sy bieinander

die ben Heintzi Touber und Clausen von Morsperg sin

tochterman und sin wib die sin tocher sie und kouffte

da nach vil worten derselb Heinrich Frech von den eg

Heintzi Toiber ein huss umb xxxxiii

gulden und als si von der bezalung redten, sprech der

gen Heintz Toiber daz gelt gehort da minem tochterman

und minder tochter und zoigte uff den vilgen Clausen von

Morsperg und sin wib wie er mit denen eins wurde

wer im lieb. Also versprach Heinrich Frech nach

vil tedung har inn beschehen den ege Clausen von

Morsperg und sin wib solich sum gulden nemlich

xii gulden also bar zegeben und dannthin uff sant

martins tag darnach uber ien ior eilff gulden unnd

die ubrigen eilff guldin in dem andern ior uff sant

martins dazemal nacheinander kunfftig zubezalen und

damit weren sy ouch hievor eins worden...