Testes producta adinstanciam Jacob Wolfen

des verbers von Slettstat iura^t

3^a post iubilate vel georii 55^a

Item Margred Stich des sniders seligen frow hat dz sy wol gesehen

das Agnes Touphertzen uff ein mal ii gulden uss der gemeinschaft

gelt so in eim kistlin lag darzu sy ouch einen slussel gehept hab

desglich dick und vil darüber gangen sie und gelt daruss genomen

wan sy aber dz getan habe wyss diser zug nit, denn so vil als sy

die zwen gulden neme, do hette der man ein hus kouft do brestent

im ii gulden do wolt er gelt von ir haben do spreche sy sy hette keins

doch so neme sy die ii gulden uss dem kistlin und spreche sy wolt ander

dafür darin legen, aber hat sy geseit dz sy eins mols horte von ir

das der benan Jacob gern garn gehept hette dz verloren was worden, do spreche

sy nu han ich kein garn me also unlang darnach fügte sich

dz die benan Touphertzen und diser zuge die bett schutten also sprech

diser zug frow lügent was garns und lege vil garn do rot under dem bett nem grün

und blo, do spreche ir frow swig loss ligen, es gat dich nut an