[für Hans Baumgartner gegen Warsey von Mühlhausen]

Item da seit Peter Gatz das Enneling Warsier sin swiger Zschan Warsier

eliche husfrowe uff ein zit sie zu im gen Basel

komen und hab im geclagt wie ir Huglin Goge

von Mumpelgart wol funffhundert guldin schuldig

were die im Zschan Warsier ir eman selig bar gelichen

het die ir nit werden könnden und geb im

also iren vollen gewalt solich shculde von siner

swiger wegen inzebringen. Also brechte

diser zuge die sachen soverr mit frömden gerichten

das ein lantvogt von Mumpelgart den obgen

minen herren schribe soliche gericht abzetund

und kemen fur die egen min herren die rete zerecht

mit den worten das iederteil versprach was alda

gesprochen wurde daby zebliben da wurde gesprochen

das Huglin disem zugen hundert guldin fur

die funfhundert guldin geben solt und vierzig

guldin zecosten da gebe Huglin Gogi disem zugen

die viertzig guldin costen an ein der hiesse Hans

Erhart die im noch eins teils usstanden aber

im sie an den hundert guldin nie nutzit

worden und gienge Huglin Goge dem

spruch nit nach und besigelte den nit als er

dan getan haben solt. In dem der obge

(2)

Huglin Goge mit tode abgienge

da so gebe diser zuge

dem ersamen Meister Burckart Besserer einem burger

ze Basel und sinem knecht sinen vollen gewalt

also das sy solich funffhundert gulden gantz vordern solten

noch dem der spruch von dem vilgena Huglin

Goge nit volzogen were, und desselben Huglis

Goge seligen güt dafur zuverbieten und in recht

zuziehen da keme derselb Beserer und der knecht

herwider und sprachend inen konde nutzit

werden und weren rechtlos gelassen, darnach

da ludi diser zuge den lantvogt und die statt zu

Mumpelgart gen Rotwil und brechte sy inn acht

also schribe derselb lantvogt den oben minen herren

von Basel mit disem zugen ze verschaffen solich

acht abzetunde oder er wolte ir vinde sin uff

das schüfen ouch die vilgen min herren die rat

mit dem egen zugen das er solich gericht abtün müst

und gen Mumpelgart zerecht komen solte und gebe also

die sach nach dem sin swiger auch abgieng sinem

swager Zschan Wargier gantz uber.

Item so seit Burckart Besserer das er von Peter Gatzen

wegen mit einem knecht desselben Peter Gatzen knecht

gen Mumpelgart geritten sie und habe da an

Gogis seligen erben rechts begert von etwas schulden

wegen. Also mussten sy unge

rechtiget von dannen riten das inen der sach halb

kein recht mocht vollangen.