Unnser frünttschafft gunsth unnd guthen unverdrossnen willen zuvor, ...

...wie dz iuncker Heinrich Meiss von zurich,

so ietz luthinampt in Ferrara, und Anderess Munch von Lutzern,

als wier bericht etwas gspans mit einanderen hand, und darumb

kunttschaft verhört, und die selbigen kuntschaft inhannte gefencknus

geleid, das sy sich uber klagen sy mögen nitt zu verantwortten khomen,

als wier euch hiemit des clegens copi schicken syn an ligen,

und die fier so kuntschaft sind, zwen von Zurich, einen von Zug und

einen von Sollenthoren, schribne inen herren und oberen ouch ir anligen

[am Rand: mit höchster pit wellen die breiff angens mit gwusser bottschafft

ob sy dem herren von Zurich, ouch dem von Zugg und denen von Sollenthoren

uff dz erst uber anthworten werden, dan es den guten gsellen von nöten ist]

und wie sy uns dan, ein ersam gricht angerüfft und so hoch ernant

und geboten, dz wier sy abschribne und zuschicken, welches wier inen

nit abschlags heint khonen syn, als ier euch darinn wol erschen werden,

und schicken euch hiemit des clegens copi, und den adneren den ortten

Zurich, Zugg und Sollenthoren schickend wier ouch damit man ein

berichtnus heigen, harumb wier euwer gnaden wisheit, mit hochem

erenst flissigest pitent sy welle sich hierinnen so fruntlich und

guothwillig erzeigen dz die guten erlichen kriegslut so in scherer

gefendknus ligend, gneidgklichen erhauen, und derhalben verhelffen

dz die guten gsellen uss der gefenknus ledig werdent, und dz sy zu

dem rechten mögen komen, und zu verantworten, damit sy nit verkurth (?)

werdent, und dme hertzig zu Ferrara schriben und begeren, den handel

in der eidgnossschafft zu zu thragen, werden recht hat der solle isch

geniessen, hierinen wir unns euwer gnaden so frundtlich gutwillig

empfolchen wellen haben, alls wier euch ungezwifflets gmüts, sonder

wol verthruwen, wellen wier ungesparts unser vermögens geren

verdienen, heimit in schirm göttlicher gnaden...

...Euwer gutth günstig dienstwillige

frund und gönner

Richter und ein gantzs gricht

b ht gwardi der eidgnossen

zu Bollangia