Seda post galli testes producti et iurati

pro parte Henny Stent de

superiori Musspach

Item hatt geseyt Hanns Runser der schnider Bass dz

im wol kunt und wissen er ouch da by gewesen

und dar zu erbetten sye dz Hanns Schent

und Lienhart Weber von obern Muospach mit

einander gerechnet haben wolten noch dem und

der selb Lienhart meinte dz im der obgenan Hanns

Schent etwaz ze tunde were und bekante sich do

der gn Hanns Schent dz er dem selben Lienhart

schulden were ix gulden aber er hette im daran

by den iiij iucharten ackers daran gearren (?) [Einschub: und samen uf die

selben acker geben] und

ein karren mit korns gen Basel gefürt, und ein

(2)

vierntzal korns einen gan Knorringen furer inen bezalt

und xvi karren mit holtz und ouch ettwz

höwes gefurt, und sust im allerley getan dz er

meynte dz im sollich ix gl wol bzalt werend [Rand: und hofte er

solte im noch rechnung gelt haruss geben]

do wider aber der benant Lienhart redte und sprechte

sollichs wer alles gerechnet und noch sollicher rechnung

wer er ime die obg ix gl schuld bliben und zoch

sich des an einem brief daruber gestellt den er aber

nit finden köndte noch haben möcht, und also entschlugent

sy und bleyben sollich rechnung under wegen und sprech

Lienhart der wolte beyten byss Hanns Schent sturbe so wolte er

denn dz sin mit dem rechten behan daruf antwurte

Henni Schent, Hans Schenten kindt

vogt so welte er ime dz sin ze Musspach vertuben und

verkouffen so lang bitz er selber rechnung an in begert

und uf sollichs stalten sy eins tag noch ostern nehstvergangen

ein rechnung ze tünd eaber ob sollich rechnung

bescheen sye wiss er nit.

Item so hatt geseyt Peter Seyler von obern Müspach dz

er ouch do by gewesen und erbetten sye dz Hanns

Schent und Lienhard obgen miteinander gerechnent solten

haben und rechnete Lienhart Hannsen Schenten

dz er ime schuld bleybe noch sollicher rechnung ix gl

oder ix gl ungeverlich der er ime gichtig wz

[Rand: und sprach do wider der selb H. Schrent] und nampte allerley stuck so

er ime geben und ouch gedient hette dz er meinte

er ime gelt noch geben solte, do dz Lienhard gehörte

sprech er höre ich wil beyten byss du Hanns Schent

stirbst so wil ich dz min beheben und sprech auch darnach

Lienhart ich bekenne wol dz du mir gedienet hast

aber sollichs is alles gerechnet und zoch sich des ouch

an einen breif daruber gestellet er hette aber sollechen

brief nit mögen finden oder haben und sprach ouch der

selbe Lienh und wölte kein luter rechnung tün und sprech

er müste einigen (?), do wider aber Hanns Schentt redte

er solte ein rechnung mit ime tün oder er wolte im

dz sin verkouffen also stelten sy einen tag an als obstat.