Testes producti et invati quarta post hilarii

adinstan Rudi Murers

Item hat geseit Clewin Brenner von Eymotringen dz im wol indenck

sie dz venent ze herbst, keme Jungher Rudolff Murer hinuss

riten gen Eymotringen und hette ein gross vass wi by xiii soum

hinuss geschickt, und rette zu disem zugen ob er im welte die

ii soum wins geben so er im versprochen hette, redte diser zuge io

und antwurtete und tete im die zwen soum wins vor der trotten

in sin vass und hulffe im Jungher Rudi den win messen, also wisse

und sehe diser zuge wol dz vorhin ouch win in dem vass wer, fragte

also Jungher Rudi wer im den win geben hette antwtet er ime,

Wendlin Schurman hat mir ein soum darin geben und wil nur

Wendlin Kouffman v soum geben und sust wil man mir

ouch allenhalben gen dz das vass vol wirtt und schiede J Rudi

also von im in meynung den andern win ouch ze samlen, also

keme er mornds wider zu disem zugen und bete in dz er sinen win

(2)

die zwen soum so er im in das vass geben hette, wider nemen

welte, desblich hette er ouch mit Wendlin Schuman auch

geredt sinen soum wider ze nemen, dz welten si nu nit tun

und wer Jungher Rudi gar zornig und redte dz im Wendlin

Kouffmann versprochen hette v soum ze geben und hette im nit me

des ii soum gen desglichen im die andern ouch nut gen

die im doch versprochen hetten ze geben, und nach vil worten

nachdem und er das vass nit gefullen mochte, hette er mit

dem wirt einen kouff getroffen umb den win der im vass was

also dz der wirt gem genan Wendlin Kouffman vorabe fur

ii soum wins solte widergeben, und im den ubrigen win

der iii soum und das vass zu zilen nemlich zu ostern und phingsten bezalen

solte. Und als es nun kam dz Jungher Rudolff und der

wirt danach mit ein ander weltent abrechnen, do redte Jungher

Rudolff der wirt solte im xvi ß für ieden soum rechnen denn

es dezemol ze Basel also iorlouffig gewesen wer, do redte aber

der wirt es wer louff gesin dz man nit me den xiiii ß für ieden

soum gerechnet hette also hette man im ouch gerechnet und

wurde diser zuge darzü berüfft, und selten sy mit liebe von

ein ander scheiden, do verlor diser zuge an idem soum i ß

und wart der von angeslagen nit me den ieder soum für

xv ß zuge im Jungher Rudi abe, ob aber der wirt Jungher

Rudi also bezalte do wisse er nutzit von ze sagen.

Item Wendlin Schuman gehillet dem zugen davorgen, den

Wendlin Kouffman leich im einen soum wins den er zem

ersten Jungher Rudolff in sin vass tett, und dz im J Rudolff

solichen win gern hett widergeben den dz er in nit wolte den

er in lieber bezalte, so wisse er ouch wol dz der wirt dem

genan Jungher Rüdolffen nit me den die iii soum wins

so er und der vorgen Clewi Brener darin getan haben ab

koufft habe.