Testis producti et iurati adinstanciam Conratz

von Tonsel, mercurii ante letare

Item do hat geseit Reinhart Valckner der Murer dz im wol in-

denckt dz dwile und er nochden amptman wer, der obgen Contz

von Tonsel und Steffan Ringler zu im komen sien uff ein

zyt [Rand: by einem iar vergangen, doch] wisse nit eigent wie lang dz ist und seiten im do wie derselb Contz

dem genan Steffan ein silbrin schalen zu pfande geben hette von

schulde wegen, er im zu tünde was, die selbe schulde er im ouch

daze mol bezalt und sin schale gern wider gehept, den dz im Steffan

solich schale an Bartholome den nachgesyn zugen versetzt, und desmols

nit wider ze lösen hette und als in derselb Steffan und Conrat

des miteinander überkomen woren dz im Steffan die schale wider lösen

solte, do so versprache derselb Steffan disem zugen do zemal als einme

amptman in sin hand by siner truwe an eins geswornen eyds stat, dz er die

selb schalge unverzugent bitz ze ostern nechst darnach lösen und Contz die wider zu

sinen handen alsdenn antwürten oder schaffen wolte.

Item hat geseit Bartholme Gunderfeyer der loüffer dz er wol

wisse dz Conrad von Tonsel dem genan Steffan Ringler ettlich

gelt schuldig gewesen sie darumb er demselben Steffan ein silberin schale

ze phande gesetzt hatte. Als nu Steffan ettliche phenwert

von disem zugen kouffte habe er ime solich schalen ouch

ze phande geben für die schuld so er ime by dem kouff schuldig

blibe also hette sich gefügt dz der genan Conrat den Steffan

bezalt und fin schale gern wider gehept hette, und also im

Steffan die versetzt und in zü disem zugen gefürt und mit dem

zugen geredt hette inmossen dz er gern hette die schalen haruss

gehan die im aber diser zuge nit on ussrichtung siner schulde meinte

volgen ze lassen also werent Steffan und Conrat eins worden

dz Steffan vor einen geswornen amptman versprechen solte als er öch

in Reinhartz des vorgesnen zugen hand der do ze mol ein amptman

was, dz er dem genan Conrat soliche schale in eim zyt wisse nit

eigentlich wie lange dz genempt wer, und wisse aber owl dz das

langst verschinen sie, von disem zugen lösen und wider zu sinen

hannden anworten wolte, dz aber noch nicht beschehen sie, denn dise

zuge spricht dz er syderbar zwurrent by Steffan gewess

sie zu Strossburg und mit im von der sache geredtz und er im

geantwortet er bekannde wol dz er unrecht getan dz er den sachen

nit nachgangen habe, doch do by ouch geredt hette Conrat das

pherd wellen nemen zu sinen handen dz er im gern geben hette,

so im sin ding domit wol ledig worden.