Testes producti parte Clewi Rulin von Hagental

jovis post assumptionis marie

Item hat geseit Hanns Toppler von Liepertswiler dz er wol wisse dz vil

tedingen zwuschent Werlin Oswalt von Liepertswiler und Heini

Roschlin von Vislins, beschehen und zu aller lest sie diser diser

zuge on geverde (?) darzu komen, das wer hure uff unser lieben frowen

tag der liechtmess do wurde zu Liepertswiler in des genen Werlin

Oswalz hus zwuschent inen getedingt des sy ouch beder siten eins

went, dz man dem genan Henni Röschlin für iede vernzal korns i lib i ß

und für i vernzal habern xviii ß phen geben solte, des so selten die

zehen phunt phen angestän biz unser frowen tag ze herbst nechst

kunfftig angestan, und was des geltz (?) oder der schulde über x lib

phen wer, solten im die schuldner ze vasnacht nechst vergangen ussrichten

dz aber dheindley fürworten dabi gebrucht wurde, ob sy dz gelt zu

der vassnacht nit bezalten dz sy im denn umb volle schulde verfallen

sin sellten oder ander wort, sie nit denn er des dozemal nit habe

horen gedencken, desblich ouch hat er geseit, dz der gantzen sum nit

gezalt sie worden ab es xviii lib oder xx lib went.

Diser sage gehellent Kuni Kipp von Hagendal, Heintze

Weber von Bettwiler und Hanns Scholer von Liebrechtzwiler doch

so vil me die genan schulden solten Henni Röschlin sin gelt usrichten

zu den zylen als obstät, oder aber mit im verkom inmossen dz er

von inen ein benügen habe.

Testes pducti p Henni Röschli von Visslis iurad (...)

Item hat geseit Werlin Oswald von Liepertswiler dz vil tedingen in der obgesen

sache von des korns wegen beschehen aber zu aller letst sie hur zwuschent

winaht und der liechtmess gewesen sie in sim huse zwuschent dem genan Henni

Röschli und den schuldnern von Hagendal luter betedingt, dz sy Henni Röschli

für iede vernzahl korns xxi ß und für i vernzal haber xviii ß geben sollen und

werde gerechnet dz es sich zu sam traff an einer sum xviii lib und i ß me

oder minder ungeverlich wisse er nit eigentlich, do werde beredt dz sy im die viii

lib uff die vasnaht und die übrigen x lib ze uns frowen tag ze herbst nechst

künfftig ossrichten solten, und wo sy denselben Henni Röschli bis vasnaht der

viii lib phen nit bezalten so sollten sy im umb volle schuld verfallen sin.

(2)

ad idem

Item hat geseit Burgkartz Wirtz von Vislis dz er by den vorgesen tedingen

mit gewesen wol umb die vasnaht do by gesin sie als in Kuni Kopp

darzu erbetten hett, also er und sin mitschulden die acht phunt

phen nit gar hatten uff die vasnaht ze bezalen, dz sy der den genan

Henni Röschlin erbetten haben, dz er inen umb den brest so inen an

den acht phunden gebrast acht tage hette zyl geben, doch also ob sy

im da zwuschent nit gnüg tetent dz sy im den umb die ubrigen

x lib auch verfallen sin solten, wer aber dz sy in inden acht tagen 

der viii lib d gantz ussrichten, so solte es der x lib d halb

bitz ze uns frowen tag ze herbst bestan als sy des vormals beteding

gewesen sient.