Item do hatt geseit Ulrich zem Lufft ime si wol

zewissen daz Mathis Eberler der Wechsler einen

brieff gehept habe wisende uber xl gulden

die Heinrich David von im uffgenommen hette,

do wisse diser zuge wol datz zem Snabel in

der Herbrig uff sollich xl gl geleystet sie

wie vil aber daruff verleystet sie wisse er nit.

So hab er ouch wol gehort von Heinrich

David, daz er alwegen redt, die von Trubach

solten sollich gelt bezalen. Er wisse ouch wol

daz Mathis Heinrichen David

die leistung

abgeseyt habe, und wolte im uff daz sin gesan

si.

Burkart Schaffner [wirt zum Snabel ze Basel] hat geseit dz er wol wisse, dz von der xl gulden

wegen so Heinrich David Mathisen Eberler schud gewesen ist an im

xv rinischer gulden und by den iiii ß

vier phen mer oder minder ungeverlich verleistet sien worden

soliche xv gulden sient im ouch bezalt aber die ubrigen schilling

oder phen habe er Heinrichen David geschenckt.

Item Mathis Kung der Kuttler hatt geseit daz im

Heinrich David zu zweyen molen gen Tribach

zu Ulrich Schutzen geschickt und im zem rest

wol vii ß und zem nachgond wol viiii

ß dn fur sinen lon geben habe.