[Zeugenaussage für Ulrich Flamm (?)]

Item hat geseit Fridlin Heilprunn dz nü bitz fritag nehst kunftig

drie wochen werd, dz er in bywesen Ulrichen Flamen, von

eim karer ein vass it win gevelset und nach vil worten der

karer genannt Hanns Pfaff von Leymen im den win uff

[unlesbar] einen soum umb xxxiiii ß stebler dargeslagen

im ouch den kouff also gelassen und empfolhen habe dz gelt

so vil des wurde Henslin Rieher dem gewantman zu Basel ze

geben.

Item hat geseit Stoffel Lüdi dz der obgenan Hanns Phaff

der karer und Ulrich Flam mit im heim in

dis zugen hus komen sient und zu im geredt haben dz er

Fridlin Heilprun sagen, dz er das gelt so er umb daz

vorgedacht vass mit win schuldig sie ander niemand den

Hennslin Rieher geben solle.

Item hat geseit Hanns Rieher dz der vorg karer zu im komen sie

im einen brieff von Thoman Kochlin bracht und im geseit

dz im Thoman Kochlin empfolhen habe den win weren zwei

vässlin heruff zu füren den ze verkouffen

und dz gelt so daruss erlöset wurde im volgen ze lassen da

im ouch derselb karer solich gelt nemlich so

umb das vass das Fridlin Heillpronn koufft brieff sich by

den vier phunt rappen (?), an den genan Fridlin Heilprunn und

Stoffel Ludig gut gemacht habe die im selhe versprech haben ze geben

damit in umb so vil geltz wol benügte.

Item hat geseit Peter Briefer (?) der smid dz er Fridlin Heiltprunn

in allen worten gehellen wolle den es bescheen sie inmoss

er davon geredt habe und so vil me dz der obgen Rieher

den win wolt verkoufft han als er dozemol sprehe und solte er

einen soum für xxx ß han geben, das vass Fridlin

Hilprunn koufft hette, hielte ouch by den xviii om meder minder

ungeverlich sie im vergessen wie vil es eigentlich gehalten wie wol er

dz gesumet habe, und besunder so gebe der karer dem gen

Fridlin mit siner hand den kouff in sin hand.