Testes producte adinstanciam Ursule Munchenstein

et iurate, sabto ante georii [contra] j. Conrad (?)

zem Rüst de Columbaria [Colmar]

Item hat geseit Eilse Hanns Rosegken efrow

bas [von Basel] dz ire die obgen Ursula von wegen j. Conr

zem Rüst von Colmar verdingt habe xl

eln tuchlin ze weben, als nü aber diser züge solich

tuchlin habe welhen weben habe dz garn so ir

die oben Ursula zem ersten bracht habe weder

am zettel noch am intrag so verre gereichen

mögen dz xl eln tüchlin daruss wurdent

sunder so habe die egen Ursula uss irem eigen

gelt darzü koufft xviii lot boümwollen garn

dz selb garn habe sy ire ouch bracht und habe

ouch mit dem ersten und ouch dem nachganden

garn ir verdinge die xl eln tüchlin geweben

und habe ire von igklicher eln iiii stebler

geben davon ze weben und sie diesem zugen

vast leidt das sy so wenig davon ze weben

genomen habe denn hette sy gewisst, dz es andern

luten den der genan Ursulen zügehört hette

sy hette nit minder den iiii rappen von einer

eln genomen.

Item so hat geseit Adelheit Tachsen Martin Walthers

des rebknehts efrowe, dz ire die egen Ursule

die vorgemeldten xl eln tüchlin verdingt

habe ze rigen [d.h. Falten einnähen, Idiotikon, 6,753 ], und habe ir davon geben iiii

Basel blaphart traff sich für iede eln ein klein

me denn ein stebler, solich gelt sy ir ouch

mit radgarn dz sy ire dafür gebe, bezalt habe.