[Zeugenaussage für Hans Huglin von Augst, dabei sind Lienhard Ziegler, Reinhard und Müller]

Item hat geseit Conrad Widmer vom heilgen berge der des obgen Hanns

Huglins knecht gewesen ist, wie derselb sin meister in ettwemennig

mol mit win hin uff in oberlandt geschickt, und under allen molen

einem genant Hertzog sesshaftt in dem dorff Büren under an

Surse gelegen, win ze kouffen geben und wen er im ye des geltz

geborgt und zyl daran gemacht habe, dz denn derselb Hertzog

und sin wib, dem genan sinem meister versprochen haben, were

sache dz sy solich gelt zü den zilen iedes mols gemachet nit uss

richteten wie sin denn derselb sin meister mit sinen pherden oder botten

oder sust wie sich das gefügte, dz er deshalb costen empfahn werde

dz sy im denselben costen mit dem houptgüt one intrag bezalen

und ouch ussrichten wolten. Desglich so habe diser zuge

selbs das letste vass mit win von sinem meister hin uff gefürt und dem gen

Hertzogen und sinem wibe dings oder uff borg geben in aller

mosse mit dem costen ze bezalen nach den zilen ob sy an der bezalung sumig

werent, als sy vormols ouch von dem obgen sinem meister

ze borg koufft hetten, und hat solichs geseit niemand ze

gerechtigkeit gefürdert werde menglich ze geben sie

harumg so hat geseit derselb Conr Widmer.