In causa Einbaltigs (?) hic incipit

Meister Claus Buman hat geseit wie zu im komen

sie meister Lienhart Mörnach und seit wie ettlich rych lutt

hettint roggen verkoufft anders den billich nu hetti man die

armen gestrafft das man der glich den richen och tett und

es geburt im disem gezugen das er solhs furbracht und zöygte

im da mit wo er sich der warheit erfragen möcht dem er

also nachgangen und habe erfaren das meister Hanns

Embaltig verkouft hab xlvi seck roggen einem von Rinfelden

genant Heinrich Ziegler ye ein sack fur x ß

in einem iar und zwöyen zilen ze bezalen und sind da

fur burge Conrad Ziegler, Brattler und Fronstetter.

Meister Claus Fronstetter hat geseit wie Heinrich Ziegler siner

tochterman im uff ein mal sin nott die im anleg geclägt und

da by geseitt hab, wie er ettwz geltz haben müst und hette doch

nit hilff mögen vinden den so vil er hett solich sin not geclagt

meister Einbaltig sinem öheim und frund und inn umb hilff ange-

rüfft, der hette im geantwurt er hett nit gelt aber roggen

so vere er inn dar umb versichern so welte er im umb ettwz

helffen und uff das hetti er im ettwz sum abgekoufft und

deshalb bett er inn da er ein mitschuldner mit im werden

wolt also fragt er inn wie thur er ein vernzl kouft verstund

er, ein vzl fur i gulden das inn ze mal wundert, wan er

desselben tag ein vzl des besten uff dem merckt umb xiii ß

kouft als das Ludman Kornmesser geseit het, ye doch umb dz

der obgedacht Heinrich nit gesumpt wurde er mit im mitschuldner

und habe sich mit meister Conrad Ziegler Burkart Gugelin und

Brattler da fur schuldner gemacht.

Er seit auch mit sonder das er von meister Embaltig im alten

rott us sinem mund gehört, das er geredt, er habe wol iii^c seck

mit roggen da wolt er das er vi ß fur ein sack vol hett und

nit ein korn im huse behüb.

(3)

Hunderstat seitt das meister Einbalttig verkoufft hab Heinrich Ziegler

von Rinfelden xxiii vzl roggen fur xx gulden und sie das beschehen

uff mentag vor der helgen dryg kung tag lxix^o nechst vergangen

als er das sessatt (?) dar umb gemacht hat.

Kaufhusschriber hat geseit das Hennrich Ziegler von Rinfelden me den

zu einem mal zu im mit der stattknechten komen und durch

die sie im bevollhen das er dem selben Hennrich vorzeichen geben

wöll zu ettwz roggen, wan uff die zitt were im bevolhen

on miner herren willen kein korn von der statt ze lassen diewil im nu

solhs bevolhen ward da gebe er im so dick um dz empholen

wart wortzeichen.

Die kornmesser sagent einhelig by iren eiden das der roggen

sytt der ern der aller best nie uber viii ß gegolten sonder habe

gegolten dar under als viii ß vii ß und vi ß.

Mit sonder seit Kempff das er den roggen gemessen so meister Ein-

valtig verkouft des sie gewesen xlvi seck und geben umb xx gulden

da were der selb roggen under in emein hus ob vi iaren gelegen und smecken (?)

worden deshalb er wol wisse das ein sack nit vii ß gegulten

hett. Seit ouch das er den ze mal von meister Embaltig gefragt

wurd was ein sack mit roggen den ze mal gult geb er im ze verstan

das der merckt und gemein lauff umb vii ß were.

(4)

Item contra nesen (?)

Heym Blecher der kornmesser hat geseit wie das Heyni Leman uff

in die vasten zu im komen sie, habe im geseit das er so wol tuon

und mit im gan haber messen den er kouft hett, fragte er inn von

wem sprach er von Nesen, fragt er furer wie thur da sprach er

ein vernzl fur xiii ß uff das gab er im zu antwurt so getar

ich den im nit messen wen mir ist von minen herren den reten

verbotten dheinen haber thurer den fur i gulden i vzl ze verkouffen

oder zu messen. Also schied er von im und mese Nesen im

den selben haber selber. Des glich da nach ober i vzl

er seit ouch das der selb sust einem andern sinen sester ouch gelihen

hab da mit ze messen.

Henslin Kornmesser seit auch wie Leman zu im komen were

dz er im solt haber by Nesen messen und als er den kouff

hort umb die sum wie obstat da getröst er inn nit messen

wen es im verbotten was dar umb weiss er inn von im.