Fürkouffer am korn

Hanns Müller und ander

It erkannt mit inen ze reden demnach und sy zum nechsten an den

marckt korn gekoufft und uff einen tag um v ß den uffslag

gemacht desglichen dz sy me dann ein geschirr hand also dz

ir vil sind und ieglicher selbst koufft und wenn sy gen

Liestal kommen so sye es eins mans. Darzu so gangen sy in die

wirtzhuser und reden mit den leuten beheb din säcken wenn der

merckt uff kompt will ichs nemen item vor disen dingen sollen

sy sich hüten und korn sollichen uffslag me also

zemachen dann um vi d, desglich in der wirtzhusern nit

zekouffen und heimlich ze kouffen sonder an dem offenn mergkt

und nit mer dann ein geschier ze kouffen noch ze halten und

was er also koufft keinen fürkouffer daselbs wider ze

kouffen geben, item actem frit post conceptionis marie lxxxv^o

Item uff samstag nach nati marie ist erkannt dz einer nit mer denn zer wuchen

drye seck mit weissen kouffen sölle.