Item Friderich Kupfferberg und Ennelin sin efrowe haben

geseit wie sich nechst hie vor dem hochzig wyhemechten ungeverlich

gemacht das Hans Meiger obgenant inen ein kupfferin sich beckin und

ein kupfferin schussen zu koffen geben habe ein pfund für nun rappen

und habend beide gewegen fierdtalb pfund.

Item Oswalt Herenberg der messersmid hatt geseit wie Hanns Meiger

im in dem bestimpten zytt einen kessel fir fier lib pfeningen versetzt

gehept und in gebetten den zu behalten bis den wyder gelösen möchte

den selben kessel habe er noch.

Item die Brunlerin hatt geseit wie er ieren zwen fursetz [flaches Gebinde, Gelte, Idiotikon, Bd VII 1551] ein buttich geben

und begert die an der schuld er iren zetond sye abzezihen weren aber

wenig schatzes wert.

Item Angnes Gremperin hatt geseit wie er ieren zwo wingelten ein

fesslin zwei wasserzuberlin fur funff schilling geben habe.

Item Wihelm der amptman hatt geseit wie das er och nechst vor wy

henechten von anwüsung wegen Conrat Heiden obgenant zu Hanns

Meigeren komen im geseit wie der erst gemelt Conrat Heiden im in

clag wyse fürbracht dz er ettlich sin hab und gut so im von wegen miner

herren der reten pfand und hafft syend verendere und empfrende und

(2)

das sölle er nit ton und im söllichs verbotten mit den worten ober meine das soe-

llich verbott unbillich beschen sye möge er dz am rechten offnen und darum

geschehen lassen dz recht werde dem nach habe Conrat Heiden in nemlich

disen gezugen aber angeriefft und clagt wie im sine pfender verendert

werden und angeruefft Hans Meigeren darum fur recht zügebieten das

habe er geton und im von mund an mund gebotten uff dz erst gericht nach

dem zwölfften tag nechst verschinen sölllich verbot Hans Meiger verach-

tet sich da mit von der statt getan (?) und uff söllich sin ungehorsami und Conrat

Heides anruffen syen ettlich urteilen gangen so in des gerichts biecher beschriben

stönden da by er das blieben liesse.