Testis productus per danncellen (?) Johan Heinrici

Grieb contra Guldinknopf

Item da hat Thoma Gilg geseit wie sich um den herpst nechstverschinen

ungeverlich gemacht dz J. H. H. Grieb zu im komen und gebetten mit

meister Heinrich Guldinknopffen zü reden un zu versichen ob er sy eins tusches

betragen möchte der korngulten zu Ettingen und der wingulten zu Öttliken

dz habe er getan und darna bracht dz Junkher H. H. G. die namgult

und meister Heinrich die korngult nemen und sollte och J. H. H. G.

Guldinknoppfen iiii lib hinuss geben, J. H. H. G. habe och Guldinknopffen

alle sine gult gerechen von nit me geben und habe sins bruders teils nit horen

gedanken.

(2)

Testis productus pro Johan Henrici Grieb contra

Heinrich Guldinknopf

Item Bechtolt Weibel hat geseit wie sich vor zwen ioren oder ettwaz lenger

ungeverlich gemacht dz Junkher Hanns Heinrich Grieb meister Heinrich Guldin-

knopff un er by ein ander gewesen desmals J Hansheinrich und Junkher

Lienhart Grieb understanden mit meister Heinrich Guldinknopf umb die korn-

gulten zu Ettingen ze verkomen und wurden och des koffs eins und xxii gl

und wurde och beschlossen dz sy ein ander des koffs vertigen sölten und

als sy deshalb har kement wurden sy hinder

stellig und ward der koff nit volfürt ward.