Testis productus p Antonin Scherman

contra Conraden Zessinger

Item Heinrich Brotbeck von Hesingen hat geseit wie sich in der

nechstvergangnen ernte (?) ungeverlich gemacht das er und Conrad

Zessinger ein soümen oder blumen uff dem kerbacker (?) in Volkensperger

bann gelgen von Michel Yta kofft gehept fur vi fiernzal dinkelen

mit den worten dz sy das

selbig korn Antoni Scherman an sin versessen zins oder schuld geben

sölte, dem nach beduchte in der koff so swer sin stande da von

uff dz sye Conrad Zessinger mit Michel Yta eins andern koffs verkomen

da by er nit gewest, und als er darnach Conrat Zessinger uff

dem aker funden den aker zu schniden, do fragte er in wie er

dz korn kofft hette seite er zweyer festen neher dan vor och mit den

worten dz er Antoni Scherman bezalung ton sölte, fragte er furo

war und er in yetze schnitte wer sin anttwurt er müste korn uff

sannt appollinaren tag haben ze bachen und daran welte er dz

korn an den selbig end bruchen und Antoni Scherman ander korn

koffen, so als gut wer, es wer da ussen oder in der statt Basel so er

har komen wurde.