[Rand: Von der falschen gulden wegen]

Nach dem Philips Sessnir von Bruchsell uff hütt donstag

vor dem sunntag invocavit ettlicher falscher gulden halb hie

behept ist dz er liplich zu Got und und den heilgen mit

uffgehepter hand einen eid geschworen hatt sich in der herberg

zum gulden kopff ze thuond und nit daruss ze komen on eines

rats wissen und willen, darfür auch Paulus Schwitzlin

sin wirt burg ist den er auch schadlos ze hallten in

sinem eyd geschworen hatt, der vermelldt Philipps

hatt einen Rat uberantwurt all die gulden so er vermeindt

hinder im ze haben namlich xxxiii gulden und einen

zerschnittenen gulden sol im Thyliman Schwalm von

Ache uberantwurt und geben haben under welhen

gulden zwe valsch zuo sampt den underigen funden sind.