Ist erkannt, was kornkäuffer uss unseren Emptern sind,

so denn ye zuzyten kornn hie pflegen ze kouffen dz die all

schweren sollen, zer wuchen nit me ze kouffen, denn vi seck

kornns und die an keinen andern ennd denn hie

uff offenem merckt, und sust niegen anderswo ze kouffen,

und mit sinen eigenen und nit versoltem geschir, uber

berg ze vertigen keinen gemeinder ze haben, und ye

einen den andern ze rügen und dz desglichen by den

vögten in empteren, ouch bestelt werde, ir uffsehen darzu

ze haben und ze besorgen, damit einer den andern rüge und

insundern dz mit dem zoller zuo Liechstal werd verschafft,

kein kornn so durch ander erkoufft wer, von der statt nit

ze lassen, denn einig das, so der vorgemelten ordnung nach,

durch die kornkouffer, darumb geschworen, erkouffen ist,

und dz sölichs ein zyt lang versüecht werde. [Nachtrag: Ist geendert

als hernach volget marte an galli a° quod]

Ist erkannt was kornköuffer in unsern emptern sind

die ye zuo zyten kornn hie pflegen ze kouffen, dz die alle

by peen x lb d unablesslich und on alle gnad ze bezalen

zer wuchen nit me, denn sechs seck kernen und die

weder in unern empteren, noch usserthalb unser stat, denn

allein hie uff offenem marckt, und nit in husern

kouffen, und insunders kein kernen am oben weder in

wirtshusern, noch andern ennd ze bestellen, und sölich

kernen, mit irem eigenen und nit versoltem

geschir, uber berg ze füren noch ze vertigen, ouch

keinen gemeinder, under in selbs in solichen iren gewerbe

ze haben, und ye einer den andern, by den eiden

so sy der stat geschworen haben, [sinem vogt] ze rugen, welicher der

ist, der diss ordnungen einen oder den andern überset,

so offt das beschicht und dz die vögt in emptern

ir uffsehn darzuo haben, und besorgen damit durre (?)

ordnung gelept werde, und welhe inen ye zu zyten werd

geruget, von den selben, die obbestimpt besserung on

gnad zenemen und inzeziehen. Und insunder dz

der zoller zuo Liechstal, kein kornn, so durch ander erkoufft

ist, von der stat nit lasse, denn einig das so der vor

gemelten ordnug nach hie uff offenem marckt durch

die kornkouffer erkoufft ist.