Kornkouff

Ist erkannt was korn durch die fromden hie uff dem marckt

erkoufft wirt dz man sollichs von der statt lasse doch dz sy nit

mer dann einen uff einen tag an offenen merckt uff einen wagen

x oder xii seck oder mit einem karren vi oder viii seck erkouffe

und einweg füre von stundan und nit in schüte (?) keins wegs.

Item was korn ouch usswendigen erkoufft und har geliffert

wirt soll man ouch lassen einweg furen.

Item was aber hinder unsern burgern in casten lyt keins wegs

von der statt lan sonder by der vorder erken[ntnis] bliben.

(2)

Korn so

man inschuttet

Ist erkannt wie vor alles korn so ingeschuttet wirt inn kasten es sye

durch wen es wolle dz man sollich korn von der statt nit lasse

sonder by der statt behallte und zu der statt handen neme

und sollichs allen wirten kochen stecheln und andern sage dz sy mit

iren furderungen den frömden mussig standen desglichen kein kasten noch

gäden lihen.

Es ist ouch allen wirten und kochen gesagt dz sy alle die so hinder sy kommen

und korn bringen dz sy die wisen zu Werdenberg dem kornmeister

unnd die darzu gevordert sind, und keins wegs den fromden

hellffen zekouffen.