Korn und win so in

geleyt wirt nit

me zeverbannen

Uff obgenanten tag ist durch beid rätt die volkomenlich by ein

andern gewesen sind luter erkannt dz mengklich in diser statt

korn und win wie vil im geliepd hinfur hinder sich kouffen

oder an sin schuld nemen und in legen mag und zu sinen

zitten wann im gut bedunckt widerumb gantz unverkannt

verkouffen und einweg furen lassen und keins wegs durch

einen rat me versandt werden. [Als das hievor me erkannt ist und

stat hie vor an dem cxi blat] Ob aber harnach zu thüren

iaren [oder sut mengklicher ursachen der statt halb] not wurdt etwas anders ze ordnen das aber

nutzlich dem gemeinen gut mecht sin soll darumb aber

beschen was gut sye.

(2)

Fürkouff

des korns

Uff mentag nach Elisabeth ist durch beid rat erkannt wie

vormalen die erkanntnus der furkoiffer des korns halb so da

stat hievor an dem c und li blatt et uss wiset dz er denn

der selben fürkoiffern halb so die unsern sind daby also bliben

und bestan soll, aber der fremden fürkoiffern halb solle man

daruber sitzen und ratslahen wie mans halten welle.