Wir bittend und ermanend üch ouch all hieneben

ganz früntlichen und zum höchsten, ir wöllend Gott den

Allmächtigen allezyt vor Ougen haben und sin würdige Mutter Maria

und alle lieben Gottes Heyligen loben, eren und prysen und üch vor

dem grülichen Gotteslestern und übelschweren, ouch des schandtlichen

uberflüssigen drinkens und füllens müssigen, und wöllend

ouch ir, houptlüt und fürgesezten, die armen gemeinen knecht

trüwlich lassen bevolchen, und hinwider ir, die gemeinen knecht,

söllend und wöllend üwern houptlüten und fürgesezten ganz underthäniglich

willig und im aller besten gehorsam sin.

...Wir werdent ouch den nüt söllenden veldflüchtigen personen, sover

und ir sy by üch nit nach irem verdienen strafen würden, dann so erst

wir dieselbigen ankumen und zu beträten wüssent, iren wol verdienten

lon geben und dermassen strafen, das ein anderer sich harnach be-

denken würdt...