Testes product inter Heinricus Wyss ex una

et dnam Agnesam

Offenburgin partibs exaltera

Item Heintz Schönwyss hat geseit als sin Hanns Wysse selige gestorben was

were do ein iung geselle hie Johannes sin schriber, meinten sie das der coste ze

gross wer und geben [Hein Wyss und fr Agnes] gulden ze lonen und damit urloub und da selte

diser zuge wol, das darnach frow Agnes, in irem hus mit iungher Hanns seligen

güt glicher wis also do er nochden lebete umb gienge in allen dingen und

dz sy dem vogt von Waldemburg einen gulden ring gebe den Hanns selig

alwegen an sinen thumen getragen und dar in sin zeichen graben gelass hat

[Am Rand: dafür wolte sy im

vernent v gl für geben dz er ir

in widergeben hette] der glich gebe sy im ouch ein samety füter under einen mantel, ein blow

siden wammesch und einen growen hüt costete Hanns selig i gulden

desglich so kement iiii halbe füder wins us irem hofe und hulffe in diser

zuge selbs laden dz man in gen Schowenberg gefürt hette nachdem und

sy iungher Peter Offenburg vermehelt wer worden, aber sy habe alle

slussel gehept vor und noch zu silbern geschirre und allen andern

sachen one allem zu dem schribtische, do went die rothenbücher innen

und kein barschafft noch silberin geschirre, denn dz silbrin geschirr

daz wer in eim troge in irem slofgaden, dz habe er ouch in dem als

herr Henman und Heinr Wyss zu Kathelonie werent, ouch davor und

darnach dar inn gesehen das wysser er wol.

Item frow Anna zem graben mins herren des zunftmeister efrow hat geseit

wie das sy nie gehört habe von frow Agnes Offenburgin das sy Hanns Wyss

seligen iren eeman nit erben wölte untz zu der zyt dz her Henman, und Heinr

Wysse her wider heim von Kathelonie kemen, so habe ouch diser zug nie anders

gesehen so vil als sy zu der benan frow Agnes gewandelt hat den

dz die selbe frow Agnes in irem hofe, und mit allem irem tün und lassen glicher

wis nach irs mans todt als davor gehandelt und getan hat in eim und

im andern so habe sy ouch wol gehört von Ennelin die vormals by frow

Agnes, und darnach ouch by dis zugen gedient, dz sy ir nehst als sy dolen

zu Rinfelden im herbst gewess und von ungesicht (?) in des lupriesters hus

zu Mollingen komen sie, dar inn si die selbe Ennelin funde, und sy ir geseit

hette, under andern worten, wie frow Agnese und iungher Peter

Offenburg vil hubsches dinges er wer heidenschwerck und anders und

sunderlich, ein stuck hubsch gestriffet kollischwerck ouch den hanff und win

uss dem Hanns Wyss seligen hoff, gen Schöwenberg gefürt hette do man

sin ouch vast wol bedorffte dem iungher Peters husrat daselbs wer ganz

(2)

abgangen, und nutzit wert, und sunderlich do frow Agnes

wolte kinds ligen hette ir [iungfrow Eilse her Henmans iungfrow] böse löchrete lidlahen

herfür gesücht und wolte ir nutzit gutz geben. Also wolte sy

utzit gutz zu der selben kintbette haben müste sy us irem hofe

nemen, als sy ouch dazumol neme viii güter lilachen und

gute pfulben und küssen, die sy in her Henmans hof bracht hette

darzu me hat ouch dis zuge geseit wie die selbe Ennelin ir

geseit, dz ir herr Henman Offenburg nu zem dritten mol hinuff

gen Mollingen by einem genant Peter Wyat gessn hette, under

anderm, wie ire wol ze wissende wer das sy ettwas dinges

hette helffen us Hanns Wyssen seligen huss in herr Henmans hoff

tragen, das sy da sagen solte, dz frow Agnes ir empfelhen hette

irer mütlin dz ist Heinr Wyss wib ze sagen, wie dz etwas

hinuff in her Henmans hoff under andern dingen komen were

dz ir das nit zü gehorte, und wolte sy gern so wolte sy irs

widerumb schicken [oder was sy mit tün solte] desglichen hette ir her Henman [noch ingher Peter Offenburger] under

anderm derglich stucken gesin

[gestrichener Satz]

Also spreche derr zuge under andern worten Ennelin

du hast ein sele also wol ein ander, wir an dich gezogen es ist

versehenlich du verfleckest din sele nit was hastu aber her Henman

wider geantwortet spreche sy min herr her Eberhart hat im von

min wegen gesin gar einen hubschen brieff wie dz ich ietzunt ein

kindtbettern und ondas nit gar starck sie, dz ich konte zu den sachen

geantwurt, aber so erst ich möchte so wolte ich selbs hinab zu

her Henman, als sy ouch getan hette, also spreche ouch dis zug zu

ir ist es aber war, dz dich frow Agnes inmess vorstät zu ir

müterlin geschickt und gemeint hette neisswas widerumb ze schicken

spreche Ennelin nein werlich wer welt es nit widerumb getragen

sy hand doch die din alle in trögen und kisten uff wägen und

karren hinweg gefürt und so genow gerumet, dz Heinr Wyssen

wib ettwe dick zu frow Agness geredt hette, du nimpst der armen

tochter nemlich iungfrow Ennelin das ire so wol als das din du

müst es ir doch widergen hette sy geantwurt, es schadet nit ich

wil irr bessers dafür geben, so es zu schulden kompt du und ander

wl wort hette sy von der ben Ennelin gehort, aber am mornds

uff den fritag kem die ben Ennelin zu ire und bitte dis zugen

(3)

solichs so sy ir geseit hette niemand ze sagen, denn keme es her

Henman oder den sinen für, vor (?) sy das sy sin grösslich entgelten

würde, aber diser zuge, habe dis alles nit gesehen, sunders also gehört

sagen, sy wiss ouch wol das frow Agnes habe gen irem bruder iungher

Caspar von Regessin einen mangel und ein futer und einen

guten ring mit eim türkis und habe irem sun Riden ein wamesch gen mit

zwein syden ermelen anders wiess der zuge nit me.

Item iungher Rüdolf zem Graben hat geseit das er wol gesehen habe dz

frow Agnes Offenburg nach Hanns Wyss seligen tode, mit iren schlusseln

und anderm in dem hofe und hose wider und für gangen und damit und

mit anderm des ben Hanns Wiss seligen gut getan gehandelt und

gefaren. Habe glicher wise als in beduncke als vor Hanns Wyss seligen tode

und das sy allerley hinweg, nemlich im ein swert und ein wamesch und

zwen syden ermel geben habe, und sunderlich wolte sy im dz swert nit

geben es wer denn Heinrich Wyssen lieb, also bete dirre zug Heinr Wyssen

denn was es lieb daruff so gab sy es ime anders nit.

Item iungfrow Ennelin Wyssin hat geseit, das frow Agnes habe genomen

irs vatters seligen ringe sigkel und was er hubsches noch tode verlassen

habe und tete das in ir gehalt und spreche sy wolt es irem sun behalten

denn was ir vatter solichs dings zu sinem libe gehörende verlassen ete dz

das irem sun vorus zu gehorte. So dann habe sy zu allen dingen one zem

stüblin di slussel genomen [und die behept] von irs vatters seligen todt untz das sy des ersten kinds by

iungher Peter Offenburg gelgen und hr Henman von Kathilonie komen sie

und da so schickte ir vetter Heinrich dar nach dem keler slussel dz er zu

dem win möchte lugen, da schickte sy im slussel an ein brife für

und noch habe sy einen slussel zu irem stüblin, dar inn ist zinn und

messin geschirr was ir vatter selige des gütz gehept habe so habe sy

ouch einen slussel zü einem troge da heidenschwerck inn lige und sust

ouch ettwe menigen slussel, gehörende zü andern dingen inn huse daran

dis zug nit eigentlichen ze wissen sie. So habe ouch fr Agnes x lilachen

(4)

genomen die went flechsin do wer dis zuge by gewesen, und spräche

sy wolte sy wider dar tün wnn sy des kindes usgienge, dz sie aber

nit geschehen, so habe sy ouch kisten und tröge genomen die irs vatters

seligen werent gesin, und denn keme diser zuge ein mol zu

irs vatter seligen hoff und klopffte an der hindern thür also liesse man

sy ein willing stän ee man sy inliess, und do sy hin in keme do stünd

do ein krutkorb vol messern besteck heidenschwerks, und küssziechen

und denn ouch ein ziechen vol plunders wz aber darinn wer

wisse diser zug nit, den sy beschiews nit, und dz ding alles trüg

Ennelin in iungfrow, in her Henmans hoff, also gienge dis

zug hin us in das hus, do stünden die trög und kisten alle offen und

stünde frow Agnes darby, und gab das ding us der kiste der

iungfrowen heim ze tragen, do spreche dis zuge das ist hubsch

ding dz da also dz ding enweg treist, do spreche frow Agnes

es schadet nit wen wir nu teilen so wiel ich dir so vil dargegen

gen denn ein theil ist ouch mn von mins vatters wegen, do spreche

dis zug, wiltu den din ding nemen so gib mir min ding och

min dz sy inneme und usgebe als ein frow mit dem

iren tut besunder habe er ouch wol gesehen dz

sy slussel gehpt habe, do were silbrin geschirr kopffe schalen silber

mischel kemlin, kleinöter ouch zinn geschirr und ander ding dz

er nit gesagen könne, so habe sy ime einen growen rock geben were

iungher Hans seligen anders wisse er nit.

(7)

Item Paule Switzlin seit er sige nach Hanns Wissen seligen

tode nit vil us noch in da gangen, aber sovil er da uss

und ingangen sige hab er nit anders gesehen, dan datz

yetz iungher Peter Offenburgs frow glich

nach als vor gehandelt und geton hab und er hab kein

underscheide gesehen, er hab ouch nie keins erbs

gehören dencken bis das er mit her Henman us Kathelonien

reit da hört er es erst von her Henman das sins uns

wib mocht erben oder nit erben.