Gestrengen...

[Züge und Tätigkeiten nach der Schlacht von Blainville]

...Diewil wir villicht ettlich

knechtt an der schlachtt oder, sonst (als wol an

sollichen ortten zuvermutten) dahinden gelassen

wir solltten an üch, unser gnedig herrn und

vätter, pyttlich anckeren, das ir so güttig sin

wöllten, unns zuersatzung, unserer vendlinen, ettliche

knechtt der uwern zu zelassen, daby anngezeygt

das die engellender unnd rütter schon zusamen

gestossen, unnd understan wöllen, unns nit allein

von dieser bellägerung, sonders unns withar anzugriffen

(2)

und uss franckrich zuvertryben (es erbyet

sich aber hierneben kr Mt, und der edell fürst

von Guysen, si wöllen zuerhallttung der allten

waren, christenlichen relligion ir eer

lyb, blutt und gutt, thrüwlich zusetzen haben

ouch hierneben, kein höcher nach verthruwter

zuversicht, dann zu unser nation, nütt dester

minder...

[Kriegsvorbereitungen auf beiden Seiten]

...uff

solliches gnedig lieb herren, und vätter diewil

an diserm unnsern gegenwärttigen züg unnd

krieg nitt allein üch, unnd unns sonders einer

gantzen christenheit, vil gelgen, langt

an üch unnser underthänig ernstlich pitt ir

wöllind so gnedig und güttig sin, unnd unns angentz

one allen verzug die knechtt, (zu ersatzung

unnserer vendlinen) guttenklichen zulassen, dann

unns nitt zwifflett, die eerlich thatt

durch manlich eydtgnon nitt von unns sonders

durch die hannd Gottes geschechen. Sölle

üch nitt minder dann unns fröwen, solliche fröwd

eer und lob fürhin zubehalltten, diewil als

obgemellt der gantzen christenheitt sovill

(3)

wil daran gelegen sin. Sind wir gutter zuversichtt

solliche hochgenantten fürsten, und herrn, unnd

unnser pitt von üch, gnediglich zuerlangen, hierneben

enbietten wir unns fürer inn allem den eerlichen

eydtgnon, unnd kriegslütten zustadt, unnd zuzumutten

ist, dermassen zuhalltten, lyb, gutt, unnd blutt

zuzusetzen, das ir unnser gnedig herrn, unnd

vätter, unnser aller eer, wir desselben ein lob

haben, unnd der gantzen christenlichen kirchen

wolfartt, und bystandt, ouch vorab die eere Gottes

siner würdigen Mutter Maria, unnd alles

himlischens heres, widerumb geüffnet, unnd

erhalltten werden moge, dann wir sonders zwyffels

gutter hoffnung sind, die eer, unnd sig, so unns

Gott verlichen, mitt hilff dess Allmechttigen

so wytt unnser lyb, unnd läben wärtt, eerlich

zubehalltten, unns hiemitt guttwillig zu üwern

dienst...

Datum im kl Mt läger inn der vorstatt

zu Orleans den x tag hornungs 1563