H-Ü	von dem alter

H-1	[K]um grymm<er> tod hole mich /
H-2	alten man des bitt ich dich /
H-3	Wie doch meniglich wirt g<er>n alt
H-4	So wirt er doch als ich geſtalt
H-5	|Jch was waidenlich vnd clüg
H-6	Nu bin ich worden nyma<n>s füg
H-7	|o du junge welt ſich an mich
H-8	du wirſt geſchaffen gleich als ich
H-9	|mit aller üppikait was mir wol
H-10	Jch was jung vnd frowden vol
H-11	|Nu han ich vor alt<er> keine<n> müt
H-12	vnd fräwt mich weder laib noch güt
H-13	|Tancʒen vnd üppikait fieng ich an
H-14	vnd was den frawen ein werder man
H-15	|Jch achtcʒe hüſte vnd ſpew auß
H-16	das nÿma<n> kein rüwe hat Jm hauß
H-17	|Jch bin worden krump vnd on maͤcht
H-18	Neidig häſſig vnd vngeſlacht
H-19	|Jn der Juget [!] was ich lieb vnd werd
H-20	Jm alter nyma<n> mein begert
H-21	|die Jugend hat ſolichs end
H-22	das ſehend an ob ir wend
H-23	|Was man mir ſagt von got
H-24	das gedaucht mich alles ein ſpott
H-25	|Jch ſpotte dick der alten weiber
H-26	den ſpot müß ich ſelber nu leiden
H-27	|an dem tancʒ ſprang ich Jn vor
H-28	den rayen furt ich frolich empor
H-29	|das ich nicht rüwe het tag noch nacht
H-30	Nu hüſt ich das mein leib kracht [fol. 198v]
H-31	|vnd gee krumpt an aine<m> ſtab
H-32	vnd valle pald in das grab
H-33	|kein froͤd was an laugen
H-34	da ich nicht was vnder augen
H-35	|vor meniglich ich liſtig was
H-36	Nu trieffen mir auge<n> vnd naß
H-37	|Ane mich kond man nichts ſchaffen
H-38	nu hat man mich für eyn affen
H-39	|on ſpotten mocht ich nit geſein
H-40	das wer mir yecʒ ein groſe bein
H-41	|man tet nichts on mein ratt
H-42	|Nyeman mein kein acht m<er> hat
H-43	aller meniglich bin ich v<er>ſmecht
H-44	recht als ich ſey in der öcht
H-45	|Wer altet der wirt mir gleich
H-46	|Vngeſtalt vnd wunderleich
H-47	|Jch bin in meine<n> ſynne<n> tawb
H-48	Vnd ʒitter als ein eſpein lawb
H-49	|mein frewnd achten mein clain
H-50	vnd pin ir aler überpain
H-51	|Jch gehor nicht vnd bin plind
H-52	darʒu ſpotte<n> mein die kind
H-53	|mir toſen auch die oren
H-54	das man nich lawt müß horn
H-55	|Jch bin ein verſmecht<er> man
H-56	von nyeman ich kan fräwd han
H-57	|der welt fräwd in diſer ʒeit
H-58	|meniglich ein ſolich end geit