1602 26. Martii
An Vogt zu Byrsekh
Jacob Christoff
Vnsern. Waß an vnns, die vorder Öster¬
reichische Regierung zu Ensißheim be¬
richtlichen gelangen lassen, Dass
hastu Ex originali beyligendt
zu vernemmen, Darauff
ist vnser gnediger bevelch an dich, Das
du hierüber gebürendt inquirirn, vnd da du
die sach solcher massen befindest,
Inen den Zauberer, gefenkhlichen
einziehen vnd naher Byrsekh fueren
lassest vnd volgendts verners gegen
Ime mit der torqui tortur #
# fahls er es auf guetlich
zusprechen, verlaugnen woltte
vnd du sonsten gnugsahme
Indicia haben würst etc.
gen Inhalt peinlicher halßgerichts
ordnung verfahren, vnd wz du
also von Ime vnd sonsten vernemmen
würst, widerumb alhero berichten
sollest. Dich alßdan verners
der gebür darüber zubeschaiden
haben. Seyen dir damit zu
gnaden wol gewogen. Datum Pruntrut
den 26en Martii Anno 1602