B 168/15-1.10
original page number: 1
 

1602. 20. Aprilis
Ahn Vogt zu Bürseckh
Vnsern, dein schreiben zugleich
die Inquisition, vnd nachvol¬
gende vergicht, ist vns zue
recht eingeliffert, dieweil
wir dan aus dero gefangener
guetwilliger vnd freier be¬
khandtnus nit abnemen
mögen, das ihr warsagen
vnd gesprochene segen, mit
einem ausdruklichem bundt
vnd geding gegen dem bösen
geist, oder anbettung vnd
anrueffung desselben ver¬
mischt, dardurch die strenge
verortnete pöen der rechten
mit Inen vorzunemen,
So khönnen wir sy die ge¬
fangene deren straffen wegen
vnzulessigen verbottenen vnd
begangenen auch bekhanten
wahrsagens, ihm jüngst ahn dich
abgangenem schreiben nit er¬
lassen. Ist derhalben vnser
ernstlicher bevelch ahn dich du
wellest nach inhalt vorange¬
regten schreibens Inen zum bessten
vnd andern zum exempel
verfaren, daran geschicht vnser
will vnd meinung, vnd seien
dir mit gnaden woll gewogen
datum Prundrut den 20 Aprilis
Anno 1602