1610. 3./13. Oct Vnnserenn früntlichenn gruos, mit erbiethung aller Derenn Liebs vnnd guots zuo vor, Eherennttvester, frommer, fürsichttiger, Ersammer wyser Innsunders Hoch Eherennder günstiger Lieber Herr Lanndt vogt, wir enthaltten gevencklich fünff vnhuldenn, die vnnder anderm Die adelheit Im fryenn hoff, Hanns Schlegels frouw, genannt Bänni, vnnd die alte Schleglerenn zuo Reibenn angeben, Sy habennd vff dem Reiben veld, vnnd ouch Rütti vnnd Galgenn veld, hälffen sammen Säyenn, den Inen der bösstgeist gebenn, Innsunderheit die Adelheit habe sy verfürtt. Derhalbenn wir nit ermanglen wollenn üch dessenn zuberichten, damit sy ouch darumb ersuocht werdent. Hiemit bevelchen wir üch göttlichenn gnaden, datum den 3. tag winmonatts 1610 üwer allzytt guotwillige, Burgermeyster vnd Rath zuo Bür enn

presentatum 4. octobris 1610 Dem Ehrenntt vestenn, frommen, fürsichttigenn, Ersammen vnnd wysen Hernn Hanns Heinrich Thellung, Landtvogt zuo ärgenn wee, vnnsserem günstigenn Liebenn Herrn zuo eröffnenn der Statt Buren bracht das Ihre gfangne unholden zwo Von Reiben angeben.