Demnach antreffend das schriben, vonn wegenn

houptmann Joseph Studers unnd Barthlome

Fridtpoldts, ann unns gethann, thundt wir uch

unnsern gnedigen hern und vätter zu wüssenn,

das wir sy aller dingen gentzlich vertragen unnd

vereinbarett hanndt, das sy beider syts woll zufriden sind.

sonst ander nüwer zytung halb, wüssend wir

nüt grundtlich zu schriben, dan ein mal die red

ist gsin, wir mussend uff Lyon, demnach ist

letstlich wider das gschrey am hoff gsin, wir

wurden uff Lothringen zu züchen, also ist nüt

gewusser zu schriben, da so hüt eins am hoff

beschlossen wir, ist glich morn ein anders.

Hieneben gnedigen hern und vätter, werdenn

wir woll innenn (?), das unns etliche knechtt hinweg louffend,

dess wir ein gross beduren hannd, was nun hierin uch

unsern gnedigen herrn gfallt, ouch sonst aller

sachen bericht, bevelch und willens, sind wir by

desem allein harum gesandtenn botte, üwer gnedigen

antwortt warttendt, unns hiemit inn uwer

vätterlich schirm bevelchende. Datum

zu Laigeri denn 1 novembris anno 1563