Den Edlen Strengen fromen besten
fürsichtigen Ersammen und
wysen herren Burgermeister
unnd Rhaten der Statt Basel.
unsere g[uten] lieben Herren
Betrifft den zetrÿssenen wildhag
vff Schowenburg.

Edlen Strenngen fromen besten fürsichtigen Ersammen
wysen unnd gnädig lieb herren ü. s. e. w. sig¬
end unnser schuldig ganntz gehorsam willig
diennst allzyt zůnot, Gnädig lieb herren
demnach ist diser verganngne wochen von
Monntag har der wyldhag der uff alt
Schouwennburg stot vonn selbenn Marckstein
so uff der waldegertten stott unnen ussenn zů
Rappennflů uff ü. s. e. w. Erttrich der wyld¬
hag denn wir gmacht hennd unnd ouch
ü. s. e. w.  Jst Inn diser wochen zů kleinen stuck¬
enn zeh zerhowen unnd zerhudlett worden
Nemblich lx. loeuff, unnd der hag gar zer
werffenn, wer es aber mag thon han ist
unnss unwysennd jst vormelss ouch zer¬
houwen gsin, hennd im erst umlagest
garwiderumb Nuw gmacht, als wir u. s. e. w.
Jagten. uff das scheissennd. unnd wellennd
hiemit ü. s. e. w. das zůwissen unnd verschriben
haben ich danen Liechstal Sontag an sant Mich¬
elstag Im XXXVIII Iar
ü. s. e. w. gehor¬
sam underthanige
Schulcheis und Ratt
zu Liechstal