Ich Cůnradt Meiger burger zů liestall Thůn kunt Als denn kurtz vergangner tagen ich mich ungepůrlicher ungehorsamkeit gegen den Gesamen wisen Hemrichen Brünenfels 
schulthn zů Liestall erzoigt, in dem das ich sinen gebotten und verpotten in krafft sins ampts mir bescheen nit bewilliget sonnder darwider gesatzt, gespert und

ouch daruff der gemeynd zů Liestall, wider den selben Schulthen mir zů hillff ze komen, frävenlich zůsamen berůfft und mit mer umbstenden und verhandlunge

mit not hie zů mellden, und sollichs alles für genommen ungeacht und vergessten mins eydes durch mich den genanten herrn schulthen zů Liestall in ingang sins ampts

im als miner oberkeit gehorsam und gewertig zů sin getan Dadurch die edlen strengen fursichtigen ersamen und wisen Min gnedig und lieb herren Burgermeister und

ratt der statt Basell bewegt worden sind und zů mir gegriffen, in ir gefengkniss gelegt, und ettlich tag darinn behallten, in meynung mich unb obbemellt min verhand-

lung und missbruchung für recht ze stellen und mir darumb ein straff nach Recht ergeen ze lassen, dann, das durch fürbitt und ernstlich anker miner gůten fründen und

gönner sollichs abgestellt und die berürten min gnedig lieb herren mich widerumb uss gefängkniss von inen, doch mit einer urfechd und den fürworten harnach verhaffen,

ouch einer straff mins zittlichen gůts namlich zehen pfund pfeningen komen lassen haben, wellicher gnaden ich den gedachten miner gnedigen herren mit undrtänikeit hohen danck

sagen et da bekenn ich Cůnradt Meiger obbestimpt, das ich fry und ledig aller banden und gefängkniss, wol bedacht und mit gutem wissen, by miner hand gegebner

trůwe gelobt und sollicher miner gelupdniss nach mit gestapten dryen vingern und gelerten worten, recht und redlich, liplich zů Gott und den heilgen geschworen hab, die vor-

bestimpt gefängkniss und was sich darinn und darunder mit und gegen mir, es sye mit worten und wercken, gemacht oder verloffen hatt, gegen den bemellten minen gne-

digen herren der statt Basell, allen den iren die inen yetz oder in kunfftigem zu versprechen standen, und besonnder gegen denon so inn disem handell verhafft, verdacht oder ver-

wanndt sind, weder ze äffren, ze anden noch ze rechen, mit worten, wercken, rätten noch getätten, noch sollichs gestatten durch yemanden ze tůnd heimlich noch offenlich, mitt noch on

gericht, sust noch so in dhem wise, ouch desshalben in dhem weg wider sy zů keiner zitten nyener nie eweglich ze komen, ze reden noch ze thundt, noch vorderung darumb ansen

noch die iren und an andern als obstat ze haben noch furzenemen, ouch sollichs nit verhengen durch yemanden ze gescheen, sonnder darumb ein gestrack, uffrecht und unnerbrochen ur-

fechdt, gericht und geslicht, war, stet und vest ze hallten und getruwlich ze vollziehen und unternämen wider disen minen eyd und urfechd, und alles das so hie vor und

hienach geschriben stat, dhem appellatione, dispensatione, indullt, cassatione, absolutione noch plaxatione furzenemen, noch ze erwerben von bäpsten, kaysern, kungen, pemtontiaren noch

andern des gewallt habende, noch mich deren ze gebruchen dadurch disen minen eyd gantz oder zem teyl uffgehept oder gemiltert mocht werden, und absach wäre das ich

yener so unthut und verrůcht wurde (davor mich Gott alzit behüt) und diesen minen getanen eyd, inmassen davor zu griffen nit hielte, sonnder den in eynen oder andern artickln

verbreche oder darwider tätte und sich sollichs kuntlich erfunde, das dann ich Cůnradt Meiger vorbestimpt nach sollicher uberträtten und uberfaren eyn meyneidiger erloser

verzallter man geheissen und sin soll. Also wa und an wellichen enden ich betretten und ergriffen und diser brieff oder sin transsumpt uber mich gezoigt wirt, das denn

ich on alle fürwort, vortteilte klagen, und urteil, als einer der sin lip und leben verwurckt hatt, gerecht soll werden, und damitt die gedachten min gnedig herren

burgermeister und rat der statt Basell und all die iren und andern als abstat des, so ob und nach geschriben steet, durch mich vollzogen werden, dest sicherer sin mögen. So hab

ich Cunradt Meiger obgdedacht fur mich zu rechten, wären und mithafften, ouch burgen unnverscheidenlich fureinander geben und gesatzt, dass hienach benempten namlich Heynn

Meiger von Liestall minen lieben brůder, Ülyn Atz und Clewe Brotpeck bede von Muttentz mine schwägere, also und mit sollichen geding und fürworten ob die gemellten

min gnedig herren der statt Basell und ander als obstat durch misshalltung (da Gott vor sye) diss mins urfechds und eydes, oder sust von minen wegen in eynichen costen und

schaden gewasen wourder Labten ane hundrgen Eeber der Statē dasell goble den Iner und ander als olstat So den schaden emphnng Soblucg gossin vnd straden gbtragen vnd enting
sampt oder sonders den genanten minen gnedigen herren der statt Basell allen den iren und andern als obstat, so denn schaden empfiengen, sollichen costen und schaden abtragen und entrichten

sollent, und dafur min, ouch ir und aller unnser erben lip und gůt pfanndbar und anzegriffen sin, so lang und vil, biss den gemellten minen gnedigen herren burgermeister und

rat der statt Basel und den iren und andern als obstat, so geschediget werent, sollicher cost und schad on aller widerede und intrag widerkert werde, und vor allen

und yeglichen hie vor und nach geschribenen dingen soll mich und min mithafften, wären und burgen obberürt, ouch all unnser erben gantz nichts fryen, fristen noch schirmen,

dhem bäpstlich, kyserlich noch kunglich friheit, recht noch gewonheit der herren, stetten noch der landes dhem eynung, satzung noch verpuntniss noch utztt anders, so mich oder

sy han wndern besugn besasen nocz beschriuer mocht und besennder dat rest dem em gemeyn vilzinger vnderssprif Sann ud unbsy unub dess ablerfur unb und mitr
erben verzigen und begeben haben, in krafft diss brieffs, und wir vorbennempten Heynn Meiger von Liestall, Ülin Atz und Clewe Brotpeck von Muttentz des obge-

dachten Cunradt Meigers brüder und schwager als recht wären burgen und mithafften, bekennen und verlehen fur unns und unner erben warheit diser verschribung und das

wir fur den obbemelten unsern brůder und schwager Cunradten Meiger in diser sach recht wären burgen und mithafften worden sind und das so ob und nach von uns ge-

schriben stat fur unns und unnser erben ze vollhziehen und ze erstatten versprochen und gelopt haben, geloben und versprechen sollichs by unsern guten truwen und eren

an eydes stat, in krafft diss brieffs mit verzihnung aller gnaden und friheiten als obgeluret ist. All arglist und geverd harin vermitten, und des zu warer urkund.

So war obbestimpten Heynn Meiger, Ülin Atz und Clewe Brotpeck unnd keyner eynich eigen insigell hatt, so haben wir mit vliss und ernst erbetten den edlen

vesten junckher Friderichen Monich von Monichenstein genant von Lowenberg, unsern lieben junckhern, und die ersamen und wisen herren, Hansen Rad und Moranden von Bernn,

 unnser lieb herren, ir yeder sin insigell an disen brieff ze hencken, doch inen und iren erben unschädlich in allwegen, unns und den gedachten Cunradten Meigern und unnser

erben alles des so haran geschriben steet zu ubersagen, des wir obberürten Friderich Monich von Monchenstein, Hanns Rad und Morand von Bernn bekennen in gemellter

wise unnser insigele haran gehenckt haben, doch unns und unnsern erben in allweg on schaden, und ich Cunradt Meiger vorbestimpt erkenn mich diss min gůten

will, meynung und beger sin, das die obberürten min lieb junckher und herren sollich ir insigele fur mich als wol als fur die obgedachten min mithafften, wären und burgen

gehenckt haben. Geben und bescheen uff Sannt Johans des heilgen toiffers abent da man zallt thusent vierhundert nuntzigk und siben jare.

Cůnradt Meiger von Liestall

[...]
97
2z in der [...] 6